Қауіпсіздіктің өзекті мәселелері талқыланды

Іс-шараға Қазақстан, Қытай, Қыр­ғызстан, Ресей, Тәжікстан мен Өзбекстан қорғаныс ведом­ст­во­ларының басшылары, ШЫҰ Бас хатшысы және ШЫҰ өңірлік лаң­кес­тікке қарсы құрылымы атқарушы комитетінің директоры қатысты. 
Кеңес барысында халықаралық және өңірлік қауіпсіздіктің өзекті мәселелері жөнінде конструктивті пікір алмасу өтті. ШЫҰ-ға мү­ше мемлекеттер үшін заманауи қауіп-қатер кезіндегі басым мін­дет өңірдегі бейбітшілікті, қау­­іп­сіздік пен тұрақтылықты сақ­­тау және нығайту болып та­бы­ла­тынын айта кеткен жөн. Оты­рыс­қа қатысушылар өткен жылғы ынтымақтастыққа талдау жасап, қорытындысын шы­ғарды. 
Одан басқа, ШЫҰ елдерінің қор­ғаныс ведомстволары арасын­да өзара іс-қимылды әрі қа­рай­ғы дамыту перспектива­ла­ры қа­рас­ты­рылды. Оның қоры­тын­дысы бойынша 2018-2019 жыл­дар­ға арналған ШЫҰ-ға мүше мем­лекет­тер қорғаныс ми­ни­с-
тр­лік­терінің ынтымақтастық жос­па­ры бекітіліп, тарихи және мә­де­ни мұраны зерделеу және сақ­тау аясында әскери ведомстволар арасындағы ни­еттестік туралы хаттамаға қол қойылды. 
Шанхай ынтымақтастық ұй­­ымы­на мүше мемлекеттер қор­ға­ныс ми­нистрлерінің келесі отыры­сы 2018 жылы Қытай Халық Рес­пуб­­ли­касында өткізіледі деп жос­парлануда. 

Әлисұлтан Құланбай, 
«Егемен Қазақстан»