Үржар ауданының 150 тұрғыны бүгін Ресей мен Малайзия елдерінің павильондарын көріп, таңданыстарын жасыра алмады.
Барқытбелдің баурайынан Елордаға арнайы барған тұрғындардың жасы ең үлкенi 85 жастағы Нұрмағанбет Кәрімов ақсақал.
"Көрме қалашығы ғажап екен. Көрген де арманда, көрмеген де арманда. Бұл жерден адам санасының қаншалықты биік деңгейге жеткенін көруге болады", - дейді қария.
Үржар ауданынан кейін көрмені Бесқарағай мен Зайсанның тұрғындары тамашалайтын болады.
Азамат ҚАСЫМ,
"Егемен Қазақстан"
