Осы қызмет үшін үш-төрт күндік турлар ұйымдастырылып жатыр. Оған түстік өңірдің туризмге лайық жәдігерлері енген.
Алдын ала болжам бойынша Оңтүстік ЭКСПО қонақтары көп келетін үшінші аймақ саналады. Ресми мәліметке сәйкес, көш басында Көкшетау тұр. Одан кейін саяхатшылар ару қала Алматыны тамашалауға ниет білдірген. Бүгінде Оңтүстікке келетін қонақтарды жақсы қарсы алып, шығарып салу үшін келісімге келген компаниялар соңғы дайындықтарын пысықтауда.
«Оңтүстік» туризм орталығының директоры Жасұлан Төлебеков бұл жайында ойын бөлісті. Оның айтуынша, төрт туристік фирма келісімге қол қойған. Олар оңтүстіктің көрнекті жерлерін көрсетеді. Әр туристік компанияда ағылшын, қытай тілін білетін гидтері бар. Оларға маршруттарды бекітіп берген. Сол маршруттармен туристерге қызмет көрсетеді.
Турагенттік көмегінсіз, өзі келген туристер де далада қалмайды. Оларға еріктілер жасағы қызмет көрсетеді.
Бақтияр ТАЙЖАН,
«Егемен Қазақстан»
