Министр IMEI-кодтар базасын құруда халықаралық оңтайлы тәжірибе ескерілетінін жеткізді. Аталған жүйені іске қосу арқылы телефон ұрлығы айтарлықтай азаяды деп күтілуде.
– IMEI код арқыл тіркеу ережелерін құру жұмыстары алдағы үш апта көлемінде аяқталады. Мұнан соң ұрланған телефондар дерегін код арқылы анықтауға болатын дерекқор ашылады, – деді Д. Абаев.
Дегенмен министр ауқымды шараларды іске асыруға қолбайлау болып отырған бірнеше жайтты атады.
– Дәл қазір ұрланған телефондарды бірден бұғаттай алмаймыз. Себебі жағдай күрделі, өйткені бірдей IMEI кодпен тіркелген 500-дей ұялы телефон бар, – деген министр осы саладағы жұмыстардың бір жарым жыл ішінде аяқталататын ескертті.
Ая ӨМІРТАЙ,
«Егемен Қазақстан»