Астық тасымалдау жайы қаралды

«Қазақстан  темір жолы»  Ұлт­­­тық компаниясы» АҚ-тың» Астанадағы бас  ғимара­тын­да  ком­пания фи­ли­алы – Та­сы­малдау дирекциясының дирек­торы Ермек Төлегеновтің төр­аға­лығымен астық тасы­мал­дау жай­ы­на арналған кеңес өтті. Оған Ауыл шаруа­шы­лы­ғы министрлігі, «Қазақ­стан­ның Ас­тық одағы», «Азық-түлік ке­лісім-шарт корп­ора­ция­сы» ҰК» АҚ  сынды өзге де астық тасы­ма­­лы­на қатысы бар мекемелер мен жүк жө­­нел­туші кәсі­п­орын­дар өкілдері қа­тысты. Е.Төлегеновтің айтуынша, қыр­­күйек айының соңына дейін 735 мың тонна астық тасымалдау жоспарланған. Оның 535 мың тоннасы республикаішілік бағ­дар­ларға белгіленсе, 200 мың тон­насы экспортқа шығарылмақ. Әзірге Қазақстан астығын Әзер­байжан, Қырғыз Республикасы, Өз­бекстан сатып алуда екен.  Қыр­­күйектің 17-сінен бастап Ақтау порты арқылы Иранға қа­рай тәулігіне екі мың тонна ас­тық тиелсе, соңғы онкүндікте ол көлем үш мың тоннаға жеткізілуде. Тәулігіне 30 астық вагондары Иран, Ауғанстан, Тәжікстанға жүк тиеуде. Бұл қарқынды әлі де еселей түсу қажет. Биыл Қа­зақ­стан тәуелсіздігінің 20 жыл­ды­ғына 20 миллион тоннадан астам дән жинағалы отырған диқан­дар­дың есіл еңбегін жоққа шығар­мау­дың жолдары қарастырылған. Ауыл шаруашылығы министрлігі айына миллион тонна астық та­сымалын ұйымдастыру қажет­ті­гін айтса, ол мақсаттағы барлық шараларды орындау жүк жө­нел­тушілер, Азық-түлік корпо­ра­ция­сы, көлік қызметі кәсіпорындары бірлесе жұмылғанда ғана нәти­желі болмақ. Ең алдымен, еліміз тұрғын­дары­на қажетті астық қорын жа­сақтап алуға тура келеді. Алдың­ғы жылдарғы қыркүйек айын­да­ғы межелерге қарағанда биыл көр­­сеткіш жоғары. Мәселен, 2009 жылы республикаішілік бағ­­дарларға қыркүйек айында 303 мың тонна бидай тасымал­дан­са, 2010 жылғы қыркүйекте 396,6 мың тоннаға  жеткізілген. Би­ылғы қыркүйекте 535 мың тон­на­ға жеткізу жоспарланып отыр. Алайда, мамандардың ай­ту­ын­ша, биылғыдай ас та төк астық шығып, оны жинап алудың сәті түскен кезде, шашпай-төкпей жинап алудың мүмкіндігі темір­жол­шыларға да қиындықпен келетін түрі бар. Осыған орай көліктік сервистік қызмет өкілдеріне ресейлік әріптестерімен келісім-шарт түзіп, жедел түрде іске кірісуге тапсырма берілді. Әбдірахман  ҚЫДЫРБЕК.