Сіз не дейсіз?

Тілектер орындалады Қоғамның басты бай­лы­ғы, адам өмірінің сапалық озық көрсеткіші тұрғын үй. «Үйі жоқтың, күйі жоқ» деп бекер айтылмаған. Ел экономикасының қарқынды дамуына байланысты Ел­ба­сы­ның биылғы Жолдауында мәселенің мәнісі айқын­да­лып, 2011-2020 жылдарға ар­налған тұрғын үй-ком­му­нал­дық шаруашылығын жаң­ғырту бағдарламасы қол­ға алынды. Жетісудың бас қа­ласы Талдықорғанда да тия­на­ғын келтірер жұмыстар жеткілікті. «Егемен Қазақстан» газетінің Алматы облысындағы тілшісі Күмісжан Байжан Талдықорған қаласының әкімі Махаббат Бигелдиевке – Сіз бұған не дейсіз? – Шаһар халқының көп­ші­лігі көп қабатты тұрғын үйде тұратындықтан, сумен, жылумен қамту, басқа да жұмыстар қызметіміздің негізгі бөлігі десек, артық айт­па­ғаным. Оның үстіне то­зы­ғы жеткен баспаналарды жөн­д­еу де аса қажет. «Нұр Отан» халықтық-демо­кр­а­тия­лық партиясының қалалық филиалы, «Талдықорған қа­ла­лық тұрғын үй қызметі» жауапкершілігі шектеулі серіктестігі және партиялық бақылау комиссиясы, салаға жауапты мамандар ком­му­нал­ды үйлерде тұратын тұр­ғындармен кездесулер өткі­зіп, олардың талап-тілектерін зерделеп, жұмыс ауқымы бел­гіленген-ді. Қалада күрделі жөндеуді қажет ететін көп қабатты тұр­ғын үйлердің саны осылайша айқындалды. Талдықорған қа­ласындағы осындай 15 үйді қалпына келтіру, жөндеуге биыл 247 млн. теңге бөлініп, тиімді жұмсауға назар ауда­рылды. Бағдарламаға сәйкес Үкімет жөндеу жұмыстарына қажетті қаржыны несие ретінде өте төменгі пайызбен бергенін айтқан жөн. Тұр­ғын­дар бұл қаржыны жеті жылда қайтарулары тиіс. Мәселен, әр пәтерге шақ­қан­дағы оның мөлшері мың теңге мен үш мың теңге аралығында болып отыр. Тұрғын үйлердің аула­ла­ры да жаңартылып, абат­тан­дыру жалғасып келеді. Күз­дің жылы күндерін пайда­ла­нып, шаһардағы тағы да 8 үй­дегі ағымдағы жөндеу жұ­мыс­тары аяқталып қалды. Бір сөзбен айтқанда,  қала­да­ғы көп қабатты сәнді жаңа үйлермен қатар, ескілерін жа­ңартып, сәулеттендіру ба­ғы­тындағы жұмыс әлі де жалғасатыны анық. Алматы облысы.