Ел дәулеті еселене түседі

Атырау облысының әкімі Бергей Рысқалиев облыстық мәслихат депутаттары алдында есеп берді Мұнайлы Атыраудың дәулеті жыл сайын артып келеді. Мә­се­лен, биылғы 8 айда 2 триллион 762 миллиард теңгенің өнеркәсіп өнімі өндірілген. Бұл туралы Атырау облысының әкімі Бергей Рысқалиев облыстық мәслихат де­путаттарының алдында есеп беруінде мәлім етті. Оның ай­туын­ша, тәуелсіздік таңы атқалы бергі 20 жылда мұнайлы өңірде өндірілген өнім көлемі 2,8 триллион теңгеге дейін, немесе 600 есеге өскен. Бұл – ел дәулеті еселенгенінің айқын дәлелі. Ел тәуелсіздігінің 20 жылдық мерейлі жылында өңір эконо­ми­касы өркен жайды. Нақты дерекке сүйенер болсақ, жыл басынан бергі 8 айда нақты секторға 700 миллиард теңге инвестиция са­лы­ныпты. Бұл қаржы экономи­ка­ның барлық дерлік саласындағы өркенді істердің кең қанат жаюы­на серпін бергені даусыз. Соның нақты мысалы ретінде осы кезеңде 4 индустриялық іргелі жоба іске асырылып, оларда 233 жаңа жұмыс орны құрылған. «Жыл аяғына дейін жалпы құны 17 миллиард теңгелік 10 инвес­ти­циялық жобаны іске асыру аяқ­талады. Бұл өңірде тағы да 1800 жаңа жұмыс орнын ашуға мол мүмкіндік беріп қана қой­май, ел дәулетінің еселенуіне де оң ықпал етеді», деді өңір бас­шысы Бергей Рысқалиев. Атырау бұрыннан инвес­ти­ция­лық аймаққа айналғаны жа­сы­рын емес. Бұрын мұнда шетелдік және отандық инвес­ти­ция­ның басым бөлігі алдымен мұнай-газ секторына, кен өндіру, өңдеу өнеркәсібіне бағытталса, енді соңғы жылдары өзге машина жасау өндірісі, медицина секілді салаларға құйыла бастады. Мәселен, биыл Атырауда «Флоу­серв-Қазақстан» серіктестігінің сорғы жабдықтарын жөндейтін сервис орталығы ашылды. Жо­ба­ға салынған инвестициялық қар­жы­ның 2,5 млрд. теңгесі ағым­да­ғы жылдың бірінші жарты­жыл­дығында игерілген. Орталықта өнеркәсіптің әртүрлі салалары үшін насостар мен арматураларға жедел қызмет көрсетуге және жөн­деу жұмыстарына қажетті жаб­дықтар орналасқан. Мұнда тік және көлбеу түрдегі насостар мен тұрғын үй-коммуналдық ша­руа­шылығына қызмет көрсету үшін жағдай жасалынған. Жоба­ны қаржыландырған «Флоусерв» корпорациясы әлемнің 56 елінде жұмыс істейді. Өткен жылдан бері «Брандо» серіктестігінің зауытында бір рет­тік шприц шығарылып келеді. Бұған отандық кәсіпкер инвестиция салды. Сол кәсіпкер жігіт енді Атыраудан медицинада күнде­лік­ті қолданылатын бір реттік қол­ғап, науқасқа сұйықтық құюға арналған система шығаратын зау­ыт­тар ашуды қолға алды. Бұларға да қомақты инвестиция салын­ға­лы отыр. Демек, кәсіпкерлер бір күндік пайдадан гөрі, қайтарымы ұзақ жылдан соң біліне бастай­тын жобаларды қаржыландыруға ынта танытуда. Кәсіпкерлік демекші, бұл күн­де­рі аталған салада 25 мыңнан астам шағын және бизнес ны­сан­дары тіркеліпті. Жыл басынан бері кәсіпкерлер 276,5 миллиард тең­генің өнімін өндіріп, түрлі сервистік қызметтерін көрсете алды. Бұл саламен бірге білім беру, медицина, мәдениет пен спорт секілді елдің бәсекеге қабі­лет­ті­лігін арттыруға жол ашатын ма­ңыз­ды салаларда да серпіліс бай­қа­лады. – Өңірде қолға алынған жо­ба­лардың барлығы мерзімінде іске асырылады. Ал Сағыз – Миялы бағытындағы жол, КОС құры­лы­сы, сумен жабдықтау бағытын­дағы жобаларды белгіленген мерзімінен бұрын аяқтауды көздеп отырмыз. Өйткені, бұл халықтың күнделікті тұрмысы үшін аса маңызды, – деді облыс әкімі Бергей Рысқалиев облыстық мәсли­хат депутаттары алдында берген есебінде. Жолдасбек ШӨПЕҒҰЛ, Атырау облысы.