Сенім грамотасын тапсырды

Салтанатты рәсімнен кейін болған сұхбат барысында М.Бай­мұ­хан Польша басшысына Қазақстан Рес­публикасының Пре­зиденті Нұрсұлтан Назарбаевтың сә­лем­демесі мен игі тілектерін жет­кізді.
А.Дуда Қазақстан Президентінің ы­стық ықыласына ризашылық пен ал­ғысын білдірді. Сондай-ақ, ол Елбасының былтыр тамыз айын­дағы Варшаваға мемлекеттік сапары екіжақты қатынастардағы аса ма­ңызды оқиға болғанын және екі­жақ­ты ынтымақтастықтың дамуына қо­сымша қуат бергенін атап өтті.
Польша Президентінің айтуын­ша, сол кезде қол жеткізген уағ­да­лас­тықтардың арқасында би­ыл­ғы 1 қаң­тардан бастап поляк азамат­та­ры­ның Қазақстанға бару үшін визаcыз са­пар шегу тәртібі және 29 мамырдан бері екі елдің астаналары арасында тікелей әуе қатынасы орнатылды. А.Дуда екіжақты экономикалық ынтымақтастықтың елеулі дамуы Қазақстан Президентінің мем­ле­кет­тік сапарының аса маңызды нә­ти­желерінің бірі болып табылатынын ризашылықпен атап өтті. Поляк мемлекетінің басшысы БҰҰ Қауіпсіздік Кеңесінің 2018-2019 жылдары тұрақты емес мүшесі болып сайла­нуына Варшава кандидатурасын қолдағаны үшін Қазақстан тарапына алғыс білдірді.
Польша Президентінің пікірінше, ЭКСПО-2017 көрмесі өзара бай­ла­ныстардың одан әрі дамуына жаң­а серпін берді. Польша да 2022 жы­лы Лодзь қаласында осындай ха­лық­аралық мамандандырылған көр­ме­ні өткізу құқығына ие болуға ни­етті. Астанадағы халықаралық көр­меде поляк павильоны орнатылып, онда өткізілетін іс-шаралардың қа­н­ықтырылған жоспары жасалған. А.Дуда ЭКСПО-2017 аясында өт­кі­зілетін Польша ұлттық күніне қа­ты­су үшін қыркүйек айының басында Қазақстанға сапарын жоспарлап отыр­ғанын растады.
Астанаға сапарының тағы да бір себебі, ол Қазақстан – Польша биз­­­нес-форумына қатысу. Оның жұ­­мысына Польшадан ірі қәсіп­кер­­лерден жасақталған топтың қа­ты­суы көзделуде. Поляк мемле­ке­ті­­­­нің бас­шысы Қазақстан астанасына са­па­ры­ның шеңберінде өте­тін іс­кер­лік фо­рум екіжақты эко­но­ми­ка­лық ын­ты­мақ­тастықтың даму фак­торы­на ай­налатынына үміт артатынын біл­дір­ді.
Кездесу соңында Польша Пре­зи­де­нті А.Дуда Қазақстан Пре­зиденті Н.Назарбаевқа зор ден­сау­­лық пен та­быс тілектерін жеткізуді сұ­рап, Қазақстан Президентімен қа­зақ же­рін­­де жақын арада кездесуіне үміт ар­татынын білдірді.

«Егемен-ақпарат»