Кеше...

...«Қанды 37» кітабының тұсаукесері өтті Қарлаг қасіреті ақиқатын ашу­да көп жылдан бері қалам тербеп жүрген танымал журналист Екатерина Кузнецованың бұл көлемді еңбегіне 12 очерк ен­ген. «Нұр Отан» ХДП об­лыс­тық филиалының мәслихат за­лын­­да өткен кездесуде автор кі­тап­­тың жазылу тарихын баян етті. Аталған туындының бір ерекшелігі – ату жазасына кесіліп, қаза тапқан тұрғылықты ха­лық өкілдерінің толық тізімі берілген. Тұсаукесерде сөз сөй­леген Өрікбай Кәрібозов атасы Кәрібоз Шектібаевтың 1930-1932 жылдары Қарағанды қала­лық кеңесінің бірінші төрағасы болғанын, Солтүстік Қазақ­стан­да жауапты қызметте жүргенде қуғын-сүргінге ұшырағанын атал­ған кітаптан оқып білгенін айтып, қаламгерге ризашы­лы­ғын білдірді. Айқын НЕСІПБАЙ, Қарағанды.   ...Фестиваль басталды Екібастұздың қала және ауыл­дық аумақтарының шығар­ма­шылық және көркемөнер­паз­дар ұжымдары жұртшылықты ел Тәуелсіздігінің 20 жыл­ды­ғына арналған ән мерекесіне ша­қырды. Әр ауылдан келген ән­шілер тобы туған жер, дос­тық жайлы халық әндерін шыр­қады. Ал, қалалық өнер ұжым­да­ры әртүрлі тілдердегі әндерді орындады. Қалалықтарға жақ­сы таныс «Джуманджи», «Очарование» би ансамбльдері де өнер көрсетті. Фестиваль аясында халық шеберлерінің сәндік-қол­дан­ба­лы өнер көрмесі де ұйым­дас­ты­рылды. Солардың арасында Александр Калянданың сымнан жасаған суреті, Татьяна Гор­ба­чеваның тіккен орамалы, Нәсіп Ахметова, Зылиха Төлеге­нова­ның халқымыздың оюлаған ұлт­тық бұйымдары, Алина Ма­мат­динованың киізден жасал­ған кәде-сыйлары келушілердің көңілінен шықты. Осы фестивальде үздік шыққандар облыс орталығында өтетін «Әнім сен­сің, туған жер» атты облыстық фестивальге қатысады. Фарида БЫҚАЙ, Екібастұз.   ...Жастардың жиыны болды А.Тоқмағамбетов атындағы мәдениет үйінде жоғары және арнаулы оқу орындары сту­дент­терінің өзін өзі басқару жүйесін дамытуға байланысты қоғам­дық тыңдау өтті. Оған қаладағы бар­лық оқу орындарындағы белсенді студенттер қатысты. Шараны Қорқыт ата атындағы ҚМУ «Студент жастар одағы» қоғамдық бірлестігі ұйым­дас­тырды. Жиын барысында «Студент жастар одағы» қоғамдық бір­лестігінің төрағасы Жандос Базартай, облыстық ішкі саясат бас­қармасы бастығының орын­ба­сары Айдын Қайруллаев, Қа­зақстан студенттер Альянсы Қы­­зылорда қалалық өкілдігінің директоры Жасұлан Алдабергенов секілді азаматтар баяндама жасап, студент-жастардың күр­меу­лі мәселелері төңірегінде сөз қозғады. Онан соң жастар бір-бі­рі­мен пікір алысып, өзін өзі бас­қа­ру жүйесі туралы ой бөлісті. Ержан БАЙТІЛЕС, Қызылорда.