Қарышты даму кепілі

Кеше Парламент Сенатында «Парламентаризм – егемендіктің және тәуелсіз Қазақстанның қарышты дамуының кепілі» тақырыбына арналған конференция болды, деп хабарлады осы палатаның баспасөз қызметі. Шараға Парламент депу­тат­тары, Конституциялық Кеңестің, Президент Әкімшілігінің, Жо­ғар­ғы Сот­тың, прокуратура, әділет орган­дары­ның, ғылыми орта­лар­дың өкілдері қатысты. Конференцияны аша келіп, Заң­нама және құқықтық мәсе­ле­лер ко­ми­тетінің төрағасы Берік Имашев Қазақстандағы халық өкілдігі ор­га­н­ының даму саты­ла­рына назар ау­дарды және Президент Н.Назар­баев­тың бастамасы бойынша 2007 жылы жүзеге ас­қан конституция­лық реформа­лар­дағы парламентаризмді нығай­ту­дың рөлі туралы атап өтті. Парламенттік және қоғамдық бақылауды одан әрі күшейту мә­се­лелеріне қатысты сенатор жо­ғар­ғы және жергілікті өкілді органдардың республикалық бюджетті бақылау жөніндегі өзара іс-қимылын жетілдіруді жақтай­тынын айтты. Конференцияға қатысушы­лар­ға ар­нап сөз сөйлеген Сенат Төр­аға­сы­ның орынбасары Александр Судьин Қазақстандағы парламен­та­ризмнің қа­лыптасуы мен да­муындағы Елбасы Нұрсұлтан На­зарбаевтың негізгі рөліне назар аударды. Төраға орын­басарының ай­туынша, бұл талқылау Қазақ­стандағы өкілді билікті одан әрі дамыту және нығайту үшін өте пайдалы болатыны даусыз. Конференцияда сөз алған Конс­титуциялық Кеңес төрағасы И.Рогов, Жоғарғы Сот төрағасы Б.Бекназаров, Конституциялық Кеңестің мүшесі У.Стамқұлов, Парламент Мәжілісінің депутаты Н.Турецкий, Заңнама инс­титу­ты­ның директоры Ж.Бұсыр­манов, Бөкетов атындағы ҚарМУ конс­титуциялық және халықаралық құ­қық кафедрасының меңгеру­ші­сі С.Амандықова парламент­аризм­нің қазақстандық үлгісіне, парламенттік бақылау мен парламенттік рәсім­дер­ге, заңнамалық үдерістерді дамы­ту­дың келешегіне назар аударды.