Мақалада көрсетілген мәселелер қазіргі таңда Қазақстан бастан өткеріп жатқан оқиғалармен үндеседі. Оны Қазақстан өз тәуелсіздігін жариялағаннан бергі экономикалық және саяси жаңғырудың негізгі құрамы ретінде санасақ артық болмайды. Мақалада Қазақстан халқының бірнеше жылғы даму бағыты көрсетілген. Өйткені елге қатысты түсінік пен пікірдің жаңа тәсілін қалыптастыруға қатысты мәселелер ұзаққа созылады. Мақалада айтылғандарға сүйенсек, Қазақстан өзінің өткенін, қазіргісін және болашағын байланыстыруға мүмкіндігі бар деп толық сеніммен айта аламыз.
Қоғам санасын жаңғыртудың негізгі элементтері мен әр қазақстандықтың бәсекелестікке қабілеттілік пен прагматизм секілді негіздері ұлттық болмыс, мәдениет, білім салаларын қамтып, Қазақстанның дамыған елдер қатарына қосылып, халықтың бақытты болуының факторы ретінде саналады. Үш бағыт та зияткерлік нарықтың қажеттілігін қамтамасыз ететіндей сапалы өнім шығаруға тарих ғалымдарының назар аударуын баса айтады. Мұндай тарихи еңбектер ғылымның деңгейін көтеріп, қоғамдық түсініктің жаңғыруын қамтамасыз етеді.
Алдағы жылдарға қойылған басты мәселенің бірі латын әліпбиіне көшу – Қазақстанның жасап жатқан заңды әрі объективті қадамы. Біріншіден, бұл түркі әлемімен рухани байланыстың қайта орнауына жәрдемдеседі. Екіншіден, латын қарпіне көшу артықшылығы мол екені сөзсіз. Латынға ауысу арқылы мемлекеттің әлеммен байланысы нығайып, өзге елдерге есігін айқара ашады. Үшіншіден, заманауи технологиялық құралдар мен ғылыми орта арқылы халықтың жетістігін насихаттап, ұлттық болмыс пен мәдени кодын сақтап қалуға мүмкіндік бар. Бұл – жаһандану мен компьютерлік ғасырда дамудың жоғары сатысына шығуға жағдай жасайтын уақтылы геосаяси шешім.
Жалпы алғанда, қоғамдық сананы жетілдіру әр ел үшін кез келген сәтте маңызға ие. Адамдар өздерін, өз қаласын және елін дамытуы керек. Мемлекет деңгейін көтеруде адамдар маңызды рөл атқарады. Әлбетте, ең басты ресурс адам екені анық. Ендеше, Қазақстан басшысының қоғам санасын жаңғыртуға шақыруы елдің дамуының басты көзі, мемлекет халқы үшін маңызы орасан зор.
Давид КАПАРИНИ,
Италия Республикасы Парламент палатасының депутаты
