Бүгінгі таңда Әлеуметтік медициналық сақтандыру қоры Қазақстан Республикасы Денсаулық сақтау министрлігінің «Республикалық электрондық денсаулық сақтау орталығы» ШЖҚ РМК әзірлеген, жарналарды/аударымдарды жинақтау, сақтандыру мәртебесін айқындау алгоритмін берумен сақтандырылған жеке тұлғаларды дербестендірілген есепке алу үшін арналған электронды тіркелімдегі аударымдардың/жарналардың есебін жүргізеді.
Қазақстан Республикасы Денсаулық сақтау министрлігінің ақпараттық жүйелеріндегі сақтандыру мәртебесі автоматтандырылған режімде көрсетілген қызметтер үшін шығындарды өтеудің тиісті көзін айқындау мүмкіндігін береді.
Оған қоса, Қазақстан Республикасы Денсаулық сақтау министрлігі 2016 жылдан бастап Қазақстан Республикасының 2013-2020 жылдарға арналған электронды денсаулық сақтау тұжырымдамасын іске асыру шеңберінде Денсаулық сақтау саласындағы ақпараттық жүйелерді ақпараттандыру және олардың интероперабельділігін қамтамасыз ету платформасын (бұдан әрі – Платформа) іске асыру бойынша жұмыстарды жүргізе бастады. Платформаның негізгі қағидаттарының бірі «пациентке бағдарлану» болып табылады, оны жүзеге асыру үшін пациентке медициналық көмек көрсету кезінде Қазақстан Республикасы азаматының Электронды денсаулық паспорты жүргізілуі және қолжетімді болуы тиіс.
Электронды денсаулық паспортынан пациентті медициналық ұйымдарда тексеруден өткізу және емдеу нәтижелері туралы электронды деректерді, сондай-ақ, жеке тұлғаны медициналық сақтандыру туралы деректерді алуға болады. Пайдаланушылардың Электронды денсаулық паспортында сақталатын деректерге қолжетімділігі пациенттің жеке кабинеті арқылы ұйымдастырылады.
Сонымен қатар, пациенттің жеке кабинеті пайдаланушыға оның дербес деректеріне, оның ішінде медициналық деректеріне қолжетімділік береді, қабылдауға жазылу, дәрігерді үйге шақыру және басқалары сияқты электронды денсаулық сақтау саласының қызметтеріне қолжетімділік алу мүмкіндігімен қамтамасыз етеді. Пациенттің жеке кабинетіне пациенттің денсаулығымен байланысты іс-шараларды, мысалы, жоспарлы тексеріп-қарауды, егуді және басқаларын өткізу қажеттігі туралы хабарлама түседі.
Мемлекеттік және жекеменшік сектордағы басқа ұйымдардың тәжірибесінен, сондай-ақ, халықаралық тәжірибеден бизнес-процестерді автоматтандыру қызметкерлердің жұмыс істеу процесін жеңілдететінін және қағаз тасығыштардағы құжатайналым санын азайтатынын, сондай-ақ, МӘМС субъектілері арасындағы өзара есептесу процесінің толықтай айқындығына қол жеткізілгенін көрсетеді. Нәтижесінде ұйымда жұмсалатын ресурстардың уақыты және құны азайтылады, бұл кейінгіде ұйымның қаржылық қаражатын түбегейлі үнемдеу мүмкіндігін береді.
Алена РЕБРИКОВА,
Айнұр ЖАНМОЛДАЕВА
