Сіз не дейсіз?

БӘСЕКЕЛЕСТІК  АРНАСЫ  КЕҢИТІН БОЛАДЫ Елбасының «Қазақстан Республикасында құқық қор­ғау қызметі мен сот жүйе­сінің тиімділігін арттыру шаралары туралы» 2010 жыл­ғы 17 тамыздағы Жар­лы­ғы құқық қорғау орган­да­рын­дағы жанама қызмет­терді бәсекелестік ортаға беру міндетін көздейді. Осы­ған байланысты, көлік құралдарын міндетті тех­никалық байқаудан өткізу Көлік және коммуникация министрлігінің құзырына берілді. Қазір ведомствоның өңірлік құрылымдары ұйым­дастыру шараларын толық­тай аяқтап, алдағы 1 қаң­тар­дан бастап маңызды ша­раны өткізуге кіріседі. Жылдар бойы МАИ органдарына жүгінетін халық бұл қадамды қалай қабылдауда, оның тиімділігі мен қауіпсіздігімізді қамтамасыз етудегі орны қандай болмақ? «Егемен Қазақстан» газетінің Ақмола облысы бойынша тілшісі Бақберген Амалбек Көкшетаудағы «Солтүстік» өңіраралық көлік бақылау инспекциясының бастығы Қанат Құлжановқа: – Сіз бұған не дейсіз?  – Бұл, ең алдымен, көлік құ­ралдарының техникалық ақау­­сыз жұмыс істеуін, қоғам мүшелерінің өмірі мен қауіп­сіздігін қамтамасыз етеді. Оның үстіне, өркениетті қо­ғам­дағы бәсекелестік ортаны нығайтып,  жекеменшіктік нұс­­­қаның белсенділігін дамы­тады. Яғни, жұртшылыққа көр­­се­ті­летін қызметтің қол­жетім­ді­лігін ­қамтамасыз етіп, оның са­па­лық бағамын арттырады. Бүгінгі күні көлік құрал­да­рын міндетті техникалық бақылаудан өткізу шеңберін кеңіту мәселесіне қатысты Үкіметтің екі қаулысы мен министрліктің екі бұйрығы қабылданып, күшіне енді. Аталған құқықтық база ха­лықаралық нормаларға сай келеді және бәсекелестік ор­та­ның үйлесімді қызметіне кепілдік береді. Ал, мемлекеттік автоинспекция бай­қау­ды өткізбейді, бірақ, қозға­лыс құралдарының техника­лық жай-күйін қадағалау қызметін сақтайды. Бөлектеп айтарым, біздегі нұсқа Болгария, Испания, Франция мемлекеттеріндегі техникалық байқау ісінің жетілдірілген түрі деуге негіз бар. Қазіргі таңда Қазақстан­да­ғы көлік құралдарының 80 пайызының пайдалану мерзімі 7 жылдан асады. Бұл – өте өзекті мәселе. Сондықтан, жаңа тәртіп техникалық бай­қауды заманалық бақылау-диагностикалық құралдармен жабдықталған арнайы орта­лық­тарда өткізуді міндеттейді.  Олар техникалық талап­тар­дың мінсіздігін қамтама­сыз етіп, жұмысты автомат­тан­дыруды міндетіне алады. Ақмола облысы.