Дәстүрлі апталық брифинг

Бұл жолғы дәстүрлі брифингті  СІМ-нің жаңа ресми өкілі Алтай Әбибуллаев өт­кіз­ді. Оны журналистермен бол­ған бри­финг­тің алдында Сыртқы істер ми­нистрлігінің Халықаралық ақ­па­рат ко­ми­те­тінің төрағасы Роман Василенко таныстырды. Р.Ва­си­ленко сон­дай-ақ осыған дейін ми­нис­тр­ліктің ресми өкілі қыз­­метін атқарып келген Ас­қар Абдрах­мановтың шет елдегі дип­ло­матиялық жұмысқа ауысуына байланысты бұл қыз­меттен бо­са­тылғанын хабардар етті. А.Әбибуллаев брифингін осы аптада Қазақстанда ха­лық­аралық деңгейде ұйымдас­ты­рылғалы отыр­ған ең басты оқиға – 12-13 қа­занда Астана мен Семейде өтетін «Ядро­лық қарусыз әлем» атты халықаралық форум жұмысы екенін атаудан бастады. Фо­рум­ды  қазақстандық тарап ай­тарлықтай күш-жігер жұм­сап, мазмұнды өткізуге ұмты­лып отыр, деді ресми өкіл. Форум аясында Қазақстан Президенті Нұрсұлтан Назарбаев, Мемлекеттік хатшы Қа­нат Саудабаев пен Сыртқы істер министрі Ержан Қазы­ха­нов форумға қатысатын бір­қа­тар әлемге таны­мал саяси тұлғалармен, ядролық мә­се­ле­лер жөніндегі халық­ара­лық ұй­ымдар басшыларымен кездесулер өткізеді деп күтілуде екен. 13 қазанда сыртқы саясат ведомствосының басшысы Се­мей ядролық сынақ по­ли­го­ны жабылуының 20 жыл­ды­ғына орай ұйымдас­ты­рыл­ғалы отырған митингке қаты­сып, онда сөз сөйлейді. Сондай ақ, Ержан Қазыханов Юкия Амано, Тибор Тот және басқа да форум мей­ман­дары  бұрынғы полигонға ат­ басын тірейді, деді ресми өкіл. 10-11 қазанда әл-Кувейтте «Азия ынтымақтастық үнқа­ты­суы жарқын болашақ жо­лында» атты оған мүше елдер Сыртқы істер министрлерінің 10-шы отырысы болады, деп жалғады сөзін А.Әбибуллаев. Қазақстандық делегацияны Сыртқы істер министрінің орынбасары Қайрат Сарыбай басқаратын болады. Ресми өкіл 11-12 қазанда Астанада Еуропалық Одақ­пен саяси үнқатысу кестесіне сәйкес, «Қазақстан Рес­пуб­ли­касы – Еуропалық Одақ» Ын­тымақтастық комитетінің 11-ші отырысы өтетінін де ха­барлады. Бұл жолы Қазақ­стан делегациясына Сыртқы істер министрінің орынба­са­ры – Еуропалық Одақпен ын­тымақтастық мәселелері жө­нін­дегі ұлттық үйлестірушісі Константин Жигалов бас­шылық етеді екен. Брифинг соңында ресми өкіл қазанның 16-сы мен 19-ы аралығында Парламент Мә­жілісінің Төрағасы Орал Мұ­ха­­меджанов бастаған парламенттік делегацияның Пар­ла­ментаралық   Ассам­блея­ның Берн­де өтетін Ынты­мақ­тастық жөніндегі 125-ші оты­рысына қатысатынын мә­лі­м­деді.  «Егемен-ақпарат».