Тізімге «Даниял» дәмханасы да ілігіп, оны бұзу кезінде құрылысшылар патша зеңбірегін кезіктірген. Өлкетанушылардың айтуларынша, зеңбірек бұрын осы жердегі дөң үстіне орнатылып, балалар қызықтайтын орын болған. Тарихы әріден басталатын көне артефакт 2000 жылдары үшті-күйлі жоғалып кетіп, тұрғындар оны «қолды болдыға» жорып жүрген.
«Кейін дөң үстіне дәмхана тұрғызылып, астында қала берсе керек. Жобалауымызша Петропавл қамалы салынған 1752 жылдары әкелінгенге ұқсайды. Біз өз тарапымыздан мұражайға ыңғайлы орналастыру жолдарын ойластырудамыз,» дейді мәдениет және құжаттамалар басқармасы басшысының міндетін атқарушы Зәуре Нұрмұқанова. Қазір жергілікті мұражайда екі зеңбірек тұр. Бұл– оған қосылатын үшінші экспонат.
Өмір Есқали,
«Егемен Қазақстан»
Солтүстік Қазақстан облысы
