Қазақстан – аймақтағы тұрақтандырушы күш

Кеше Мемлекет басшысы Нұрсұлтан Назарбаев Еуропа Кеңесінің Бас хатшысы Турбьорн Ягландты қабылдады, деп хабарлады Қазақстан Республикасы Президентінің баспасөз қызметі. Мемлекет басшысы кездесу Ядросыз әлем үшін халықаралық форумы қарсаңында өтіп жат­қа­нын атап өтті. Қазақстан үшін бұл – өте маңызды оқиға. Президент Қазақстанның полигонды жап­қан және ядролық қарудан бас тартқан мемлекет ретінде осын­дай форум өткізуге мораль­дық құқығы барын атап көрсетті. Таяуда БҰҰ Бас Ассамблея­сы­ның сессиясында сөйлеген сөзін­де Мемлекет басшысы ядросыз әлем үшін жаһандық қозғалысты бекіту туралы идея айтқан еді. Т.Ягланд өзі үшін Қазақстанда болғаны үлкен құрмет екеніне тоқталып өтті. Еуропа Кеңесінің Бас хатшысы жеке өзі және Еу­ро­падағы көптеген адамдар елі­міз­дің аймақтағы тұрақтандырушы күш ретіндегі рөлін жоғары ба­ға­лайтынын атап өтті. Қазақстан көптеген этностық топ бірге бейбітшілік пен келісімде өмір сүріп жатқанының үлгісі болып табылады. Еуропа Кеңесінің Бас хат­шы­сы Қазақстанның өз еркімен, бір жақты тәртіппен ядролық арсе­нал­ды пайдаланудан бас тартуы тарихи мәнге ие, маңызды қадам болып табылатынын атап көр­сет­ті. Бұл бастама, әсіресе, әлемді яд­ролық қарудан азат ету жө­ніндегі жаһандық науқан аясында өте маңызды. Т.Ягланд Қазақ­стан ядролық қарусыздану және таратпау жалпыәлемдік үдерісінде өзі­нің белсенді қызметін жал­ғас­ты­ра беретініне сенімін білдірді. Т.Ягланд Қазақстан таңда­нар­лық табыстарға қол жеткізіп, ай­мақта ғана емес, сонымен бірге, әлемдік аренада да белгілі серпінді мемлекетке айналғанын атап өтті. Кездесуде сондай-ақ Қазақ­стан­ның Еуропа Кеңесімен ын­ты­мақтастық перспективалары, Еуропалық Кеңес елдерінің кон­ве­нциясына қосылу және Еуро­па­л­­ық Одақпен қарым-қатына­сын нығайту туралы мәселелер талқыланды. ----------------------------------------- Суретті түсіргендер С.БОНДАРЕНКО, Б.ОТАРБАЕВ.