Орайына келген оңды істер

«Қалауын тапса, қар жанады», деп жатады халқымыз. Абай ауда­нын­да Елбасымыздың тікелей тап­сырмасымен жүзеге асырылып жат­қан «Жұмыспен қамту – 2020» бағдарламасы аясында жұмыс­сыз­дарды, өз бетінше жұмыспен ай­налысушыларды, табысы төмен адамдарды оқыту және олардың жұмысқа орналасуына жәрдем­десу бағытында жүйелі жұмыстар атқарылуда. Естіп, білуімізше, аудан әкімі Тұрсынғазы Мүсәпірбеков осы мақсатпен облыстық білім, әлеу­меттік қорғау және жұмыспен қамтамасыз ету басқармаларымен өзара келісім арқылы басқа аудандарда игерілмей жатқан қаржы есебінен өздерінде қысқа мерзімді курстар ашуға қол жеткізіпті. Соның нәтижесінде биылғы жаңа оқу жылынан бастап аудандағы №24 кәсіптік лицейде ветеринар-оператор мамандығы бойынша 3 және 10 айлық курстар ашылған көрінеді. Оларда 50 оқушы білім алуда. Курс оқушылары 12 мың теңге көлемінде шәкіртақы және бір мезгіл тегін тамақпен қамтамасыз етілген. Курсты бітіргендерге ар­найы куәлік берілмек. Оларды оқы­ту үшін екі мұғалім бөлініп отыр. Мұның сыртында жиырма шақ­­ты жас Семейге түрлі курс­тарға оқуға жіберіліпті. Олар қазірде ауылды жерде таптыр­майтын дәнекерлеуші, сантехник, слесарь, аспаз, іс қағаз­дарын жүргізуші мамандық­тарын меңгеріп жатыр. Мұны да оңды іс деп білеміз. Аталған ауданда осындай игілікті шаралармен бірге, кәсіпкер­лікті дамыту мақсатында әжеп­тәуір мөлшерде шағын несие алуға қол жеткізіліпті. Ол кемінде алпыс шақты адамға тара­тыл­мақ. Бұл да жұмыспен қам­та­масыз ету бағдарламасы негізінде атқарылып жатқан игі ша­руаның бір парасы болып табы­лады. «Ізденген жетер мұратқа» дегендей, осындай-осындай игі талпынысты құптамасқа бол­майды. Дәулет СЕЙСЕНҰЛЫ. Шығыс Қазақстан облысы.