– Жарақатыңызға байланысты біраз уақыт саптан шығып, командаға енді қосылып жатқаныңыздан хабардармыз. Бүгінгі жағдайыңыз қандай?
– Жарақатым айтарлықтай ауыр болған жоқ. Қазір өзімді жақсы сезініп тұрмын. Жарақатымнан толық айықтым десем де болады. Ертеңгі ойынға тас-түйін дайынмын.
– Ертең «Селтик» бір немесе екі шабуылшымен ойнауы мүмкін. Сіздерге қайсысы қолайлы?
– Бапкеріміз қай жүйені дұрыс деп санайды, сол жүйемен ойнайтын боламыз. Жалпы, екі шабуылшымен де, бір шабуылшымен де ойнауға дайынбыз.
– Былтыр командаңыз Чемпиондар лигасының топтық кезеңінде ойнаған болатын...
– «Селтик Паркке» қайта оралғанымызға қуаныштымын. Әлбетте, осы жылы да жылдың ең маңызды турнирінде доп тепкіміз келетінін жасырмаймын.
– «Селтик» Чемпиондар лигасы мен ішкі чемпионаттағы бәсекеге қаншалықты дайын?
– Чемпиондар лигасы – біз үшін тамаша тәжірибе алаңы. Осы маусымда бірнеше ойын өткіздік. Меніңше, біз үшін ішкі біріншілікке қарағанда, Еурододадағы жорығымызды жалғастырған өте пайдалы болады.
– «Астанаға» қарсы Глазгода жақсы ойнаған қаншалықты маңызды?
– Әрине, ойынды жеңіспен бастаған жақсы ғой. Сондай-ақ, «Росенборг» командасымен өткен сценарийді қайталауға қарсы емеспіз. Сырт алаңда жеңіс голын соққымыз келеді.
– «Астананың» қарқынын өткен жылғымен салыстыруға бола ма?
– Біздің бапкерлік құрам «Астананың» ойынын әбден зерттеп-зерделеп көрді. Клубтарыңызды былтырғымен салыстыруға келмейтінін айтты. Ертең баршамызды жақсы ойын күтіп тұр.
– Егер, «Селтик» Еуропа лигасына түсіп кесте, сіздер үшін күтпеген жағдай бола ма?
– Біз жеңіліс туралы мүлдем ойламаймыз. «Селтик» жеңіске жеткенді қалайды және біздің мақсатымыз Чемпиондар лигасының топтық кезеңіне өту.
– Сізді ертеңгі ойында қандай есеп қанағаттандырады?
– Бізді Чемпиондар лигасының топтық кезеңіне алып шығатын кез келген есеп қанағаттандырады.
Әли БИТӨРЕ
«Егемен Қазақстан»