Жаңа теннис орталығы ашылды

Күн сайын тәуелсіздік мерейіне деген жақсы істер тізбегі айқындалу үс­тін­де. Тарту, та­рал­ғы да мол деуге бо­лады. Со­ның дәлеліндей, Талды­қор­ған шаһарында жаңа теннис орта­лығы ашы­лып, салтанатта об­лыс әкі­мі Аң­сар Мұсаханов сөй­леп, сала­мат­ты өмір сал­­­тын мұрат еткен жастарға сәттілік тіледі. Сәулетті ор­та­лықтың аумағы 13 864 шаршы метрді алып жатыр. Онда екі жабық теннис корты, төрт ашық алаң ор­на­ласқан. Бір мезетте он екі адам теннис ойнаса, 300 көрерменнің жарысты тамашалауға мүмкіндігі бар. Халықаралық теннис федерация­сы­ның стан­дар­ты­на сай жабық алаңға «хард» төсеніші төсел­се, сырт­тағы ашық алаңға «жұмсақ хард» төсеніші жа­былған. Жабық ғимарат екі қа­бат­тан тұрады. Бірінші қабатында дә­рігерлік кабинет, екі ойын залы, екінші қабатында ерлер мен әйелдердің киім ауыстыратын орны, душ, жаттықтырушылар кабинеті, VIP-зал және ойыншылардың тамақтануына қолайлы буфет орналасқан. Сәулетті ғимараттың жалпы құны 479 млн. теңгені құраған. Құрылыс­тың жобасын «Арлан» жауапкершілігі шектеулі серіктестігі дайындаса, құ­рылысты «СпецСантехСтрой-1» жау­апкершілігі шектеулі серіктестігі са­лып, қысқа мерзімде ел игілігіне берді. Орталықта жаңа жұмыс орындары ашылды. Енді өңір намысын қор­ға­ған теннисшіміз Гүлназ Дөкейдің жолын қуған талай жас теннисшіге жол ашылатын болды. Күмісжан БАЙЖАН. Алматы облысы. –––––––––– Суретте: теннис орталығының сыртқы көрінісі.