Алғашқы рет әуе компаниясы IOSA аудитінен 2007 жылы өткен болатын. Одан кейін әр екі жыл сайын 2009, 2011, 2013, 2015 жылдары сертификациядан өткен. Келесі аудит 2019 жылға жоспарланды. IOSA эксплуатациялық қауіпсіздік бойынша аудит – бұл әуе компанияларының өндірісті басқару және бақылау жүйелерін бағалау үшін белгіленген халықаралық тексеру жүйесі болып табылады.
Соңғы аудит барысында құжаттарды тәуелсіз тексеру жұмыстары жүргізілді және әуе тасымалдаушысының барлық қызмет саласы бойынша 1000-ға жуық IOSA стандарттары орындалды. Бұл стандарттарға корпоративтік ұйымдастыру және бақылау жүйелері, ұшу сапарларының орындалуы, ұшуды басқару және диспетчерлік қызмет, ұшақтарға техникалық және жердегі қызмет көрсету, борттық күтім, жүк операциялары және авиациялық қауіпсіздік жатады. «Қауіпсіздік әуе компаниясының басты басымдылығы және IOSA аудитінің нәтижелері әуе компаниясындағы қауіпсіздіктің ең жоғарғы халықаралық стандарттарға сәйкес екендігінің және оны қамтамасыз етуге көп көңіл бөлетіндігінің айғағы болып табылады», деп атап көрсетті «Эйр Астана» АҚ президенті Питер Фостер.
