Кентау осы игілікті іске жан-жақты дайын. Бүгінде шаһар аумағында табиғи газды тарататын станса мен магистралды құбырдың жұмысы аяқталып қалды. Түркістаннан тартылған газ құбыры Әзірет-Сұлтан мұражайындағы атақты Тайқазан құйылған Қарнақ ауылына да жетті. Мердігер «Шымкент-Газ» серіктестігі монтаждау жұмыстарын аяқтауға жақын.
Көгілдір отынның қалаға кіруі алып кәсіпорындар мен шағын және орта кәсіптің өркендеуіне жол ашады.
Жалпы, Кентауда ең үлкен проблема – қыс кезінде жылудың жеткіліксіздігі болатын. Орталық ЖЭО-ны жыл сайын мол қаржы салып лекерлегенімен алып қазандықтарға көмір жеткізе алмай пұшайман болып отыратын еді. Енді құдай қаласа, моноқала халқы қыс кезіндегі бүрсеңдеп тоңғандарын жайсыз түстей ғана көретін күйге жетеді.
Бақтияр ТАЙЖАН,
«Егемен Қазақстан»
Оңтүстік Қазақстан облысы
