Сенсеңіз де, сенбесеңіз де нақты шындық осындай. Қазір бұл ара алып құрылыс алаңына айналған. Егер өткен жылы облыста 610 мың шары метрден астам тұрғын-үй пайдалануға беріліп, бес мыңнан астам отбасы қоныс тойларын тойлаған болса, соның дені «Батыс-2» -де бой көтерген. Ал өңірде биыл «Нұрлы жер» бағдарламасы бойынша салынып жатқан үйлердің үлесі мен мөлшері бұл көрсеткіштен әлдеқайда жоғары.
Қазіргі кезде «Нұр Ақтөбе» тұрғын-үй массивінде көп қабатты тұрғын-үйлер пайдануға беріліп, үй кезегінде тұрғандарға оның кілттері тапсыру дәстүрге айналған. Кеше Конституция күні қарсаңында мұнда тағы да 40 отбасы баспаналы болып, қуанышқа кенелді. Оларға Ақтөбе облысының әкімі Бердібек Сапарбаев су жаңа пәтерлердің кілтін салтанатты жағдайда табыс етті. Баспанаға ие болғандар бұған тұрғын-үй құрылыс жинақ банкіне жинаған салымдары арқылы қол жеткізген.
Темір ҚҰСАЙЫН,
«Егемен Қазақстан»
