Тірек-қозғалыс мүшелері зақымданған Олег байрақты жарыстарға 1984 жылдан бері үзбей қатысып келеді. Бірнеше мәрте жеңімпаз, жүлдегер атанды. Елорадада 42 шақырым 195 метр қашықтыққа жүгірген 5 мың спортшының арасынан сөреге бірінші болып келді. Оған алтын медаль мен кубокты және ақшалай сыйлықты спорт және денешынықтыру комитетінің төрағасы Елсияр Қанағатов салтанатты түрде табыс етті. Күн сайын 28-30 шақырым қашықтыққа жүгіріп жүрген Олегті алда Уфа қаласында өтетін байрақты дода күтіп тұр.
Өмір Есқали,
«Егемен Қазақстан»
Солтүстік Қазақстан облысы
