Атырауда күн ыстық

Президент командасындағы тұғыры биік азамат жайлы бір үзік сыр

Егемен Қазақстан
15.09.2017 1018
2

Өз пайдаңды ойлама, ел пайдасын ойла, 
өз пайдаң соның ішінде
 - Жүсіп Баласағұн

Тіреусіз аспан жасап, сансыз жұлдыздар жарқыратқан, адамзаттың, анасы – қасиетті қара жерді жаратқан құдіреті шексіз, мейірім, шапағаты мол Алла тағала тарихта есесі кеткен қазақ халқына соңғы ширек ғасырда баға жетпес екі бақыт сыйлайды, оның бірі – жаннан да тәтті Тәуелсіздік, екіншісі – сол тәуелсіздік туын қолда берік ұстап, халқымызды «Нұрлы жолмен» «Мәң­гілік Елге» бастап келе жатқан кемел ойлы Елбасымыз Нұрсұлтан Әбішұлы Назарбаев. 

Тәуелсіздікті алудан оны сақтап қалу әлдеқайда қиын. Ол үшін оның іргесін бекітіп, керегесін кеңейтіп, уығын берік байлап, шаңырағын биік ұстау шарт. Қазақстан бұл тарихи міндетті абыройлы атқарып келеді. Өтпелі кезең дейтін дауыл мен жауында елдің іргесі берік болды, шаңырақ шайқалған жоқ. Кеңестік ке­ңіс­тіктегі республикалар отқа оранып, жоқ­шылық зардабын тартып жатқанда Қазақстан дағдарыстан даму жолына түсті. 
Мұның құпиясы қайсы, сыры неде? Бұған берілер жауап: «Көш бастаған көсемі дана, елі еңбеккер, ынтымақты болса, аспайтын асу, алынбайтын қамал жоқ!» деп тәуелсіз Қазақстан өмірін алға тартып айтар едік ақиқатты.

Елді көркейтудің бір кілті – ынтымақ, бірлікте болса, тағы бір кілті – жұмысты ұйымдастыра, халықты соңынан ерте білетін басшыда. Осыны жақсы білетін Қазақстан Президенті – Нұрсұлтан Назар­ба­ев елдің бірлігін, нығайта отырып іс­кер, жаңашыл команда жасақтай алды. Со­лардың бірі – Атырау облысының әкімі Нұр­­лан Ноғаев. 

Елін сүйген ер болады, өзін сүйген ез болады. Нұрлан Асқарұлы Ноғаев елшіл, мемлекетшіл, халықшыл азамат. Мәскеудің М.И. Губкин атындағы мұнай және газ институтын бітірген білікті маман, іскер ұйым­дас­тырушы. Осы қасиеттері жұмыс барысын­да байқалған ол 2012 жылғы 20 қаңтарда Президент Жарлығымен Батыс Қазақстан облысының әкімі болып тағайындалды. Министр, облыс әкімі қызметтерін абыроймен атқарған қарымды қайраткер Бақтықожа Ізмұхамбетовпен қызметтес бола жүріп, жақсы басшының жағымды қасиеттерін бойына сіңірген, Президент Назарбаевтың үлгісінен үйренуден жалықпаған Ноғаев басшы ретінде өсіп, кемеліне келді. Соны анық аңғарған Елбасы оған жаңа міндет жүктеді – 2016 жылғы 26 наурызда Нұрлан Ноғаев Президент Жарлығымен Атырау облысының әкімі болып тағайындалды. 

Б.Ізмұхамбетовтің өнегесімен өзі де өзгеге үлгі болған Н.Ноғаев жаңа ізбасар тәрбиеледі. Соның бір дәлелі – Батыс Қазақстан облысының әкімі Алтай Көлгінов. Президент Н.Назарбаев «Болашақ» арқылы түлеткен, Н.Ноғаевтың басқару мектебінен өткен іскер басшы Алтай Көлгінов облыс тізінін ұстаған аз уақытта қыруар жұмыс атқарып, Ел басының сенімін ақтап, елдің көңілінен шыққанын жақында Оралда іс-сапарда болғанда өз көзімізбен көріп, оның та­ғы бір қырына – жан дүниесінің бай­лы­ғы­на көз жеткізіп, кісілігі мен кішілігіне риза болдық. 

Тәуелсіздік тұсында ел басқарған әкім­дердің көтерер жүгі де, жұртшылық алдын­да­ғы жауапкершілігі де, атқарған міндеті де арта түсті. Бұрын тек жоғары жақтың нұсқауымен жұмыс істеп, «бастық айтты заң» деген қасаң кағидаға бағынып келген бас­шылардың бұл күнде жаңа жолға түсіп, мем­лекет мүддесіне сай, мейлінше еркін де жігерлі, қатаң талаптарға мойынсұнып, бі­лек сыбана еңбек етуі – сөз жоқ, елімізге Тәу­елсіздікпен бірге келген берекелі бет­бұ­рыс.

Тәуелсіздікпен бірге түлеген басшылық қауым бұл күнде білімді, қоғамшыл халық­тың қолдауымен, ең бастысы – ұлтын сүйген ұлағатты ісімен бағаланатын болды. Мейлі ол аудан, облыс басқарса да, тіпті шағын кәсіпорынның шаруасын дөңгелетіп жүрсе де, тәлім-тәрбиесімен ұлтына деген жанашырлықтың үдесінен шығып жатса, ол шын мәнінде өз уақытының перзенті болуға бірден-бір лайықты азамат болып табылады. 

Осындай азаматтың бірі – Атырау облы­сының әкімі Нұрлан Ноғаев. Осы тұрғы­дан алғанда, біз әңгімемізге арқау еткелі отыр­ған Нұрлан Асқарұлының орны ерек­ше. Халық қалаған, жалпақ жұртқа ұна­ған әкім туралы ой толғау бізге де бір парыз. Өйткені, халқына қызмет етіп елге жақ­қан, атақ-абыройға кенелген ел басшылары тура­лы шынайы лебіз айту қаламгер үшін де игілікті іс екенін ұмытпауымыз керек. 

Өзінің саналы өмірін мұнай саласына арнап, осы жолда абырой биігіне көте­рі­ліп келе жатқан Нұрлан Ноғаевтың өт­кен өміріне көз жіберсек, өркен жайған өнегелі істің, ел ертеңін ойлаған халықшыл азаматтың бітім - болмысы бірден көзге шалынады, оның еңбекпен өрілген бет-бейнесі дараланып шыға келеді. Әлбетте, ол аса көп марапат, мақтауды сүймейді, тек өз еңбегінің жемісін көріп, халыққа қал­тқысыз қызмет етуді ғана өміріне мақ­сат тұтқан азаматты – біз де қызыл сөз­бен қыздырмалатпай, тиянақты ісінің та­ғы­лымды тұстарына ғана тоқталып өткенді жөн көрдік. 

Мұнайлы елдің мұңын да, қуанышын да қатар бөлісіп, маңдай терін төгіп, тынымсыз еңбек етіп жүрген нар тұлғалы азаматтың аз уақыт ішінде атқарған ауыз толтырып айтарлықтай игілікті істері. Ол барған бетте, алдымен, сол жердің тұрғылықты халқы – мұнайшылардың хал - жағдайымен жеке танысып, өткен жылдардан қордаланып қалған проблемаларды тез шешуге және табыс көзін халықтың кәдесіне жаратып, сыртқы-ішкі саясаттың орнығып, қалыптасуына барынша күш салды. 

Елбасы тапсырмаларын іскерлікпен жүзеге асырып, үнемі ізденіс үстінде жүрді. Ел үшін қандай қадамға барса да қажымай, шаршамай, ширыға жұмыс істеу, күрделі кезеңдерде қателеспей шыдамдылық таныту, тіпті қиын істе батырға тән байламға барып, қол бастай білуге, алған беттен айнымай, адаспай жол бастай білуге ұмтылуы, баршаға үлгі боларлықтай әрекет етуі Нұрлан Ноғаевты ел сүйіспеншілігіне бөлегені ақиқат.
Бізді Нұрлан Асқарұлының Батыс Қазақстан облысында әкім болып жүрген кезінде қазақтың қадірлі ақыны Қадыр Мырза Әлінің 80 жылдығына орай өткізген іс - шаралары әбден тәнті еткен болатын. Әрине, ақынға деген құрмет да көптік етпейді. Алайда дүниеден өткеннен кейін ақынның қадір - құрметін қастерлеу үрдісі аса қажет екені белгілі. Бұл алдымен ұлт үшін, халық үшін, артыңда қалған ұрпақ үшін, әлбетте, болашақ үшін керек. Осыны түсінген облыс әкімі Орал қаласының үлкен бір алаңына орда тіккендей, алдымен «Қадыр Мырза Әлі» атындағы мәдениет және өнер орталығын орнатты. Оның ішінде Қадырдың кітапханасын, концерт үйін, қалың оқырмандармен кездесетін, келелі кеңестер өткізетін орындарды орайын тауып бүгінгі техника жетістіктерімен жарақтандырды. Алаңның қақ ортасына, ғимарат үйінің алдына ақынның келісті ескерткішін орнатты. Үлкен іс-шараға қала жұртшылығы тайлы-тұяғына дейін қатысты. 

Ол өзінің осы бір ұлтқа үлгі боларлық игі шараларын Атырау облысына келгеннен кейін де жалғастыра білді. Әнұран авторы Жұмекен Нәжімеденов пен поэзия падишасы Фариза Оңғарсыноваға еңселі ескерткіш орнатты. 

Өткен жаз Нұрлан Ноғаевтың жемісті кезеңі болды. Өндіріс өркендеді, ауыл ша­руа­шылығы өрге басты. Жаз бойы Атырау об­лысында ұлт тойы – өнер тойлары сән-салтанат құрды. Жыл сайын өткізіліп тұ­ратын Махамбет поэзиясының күндері, Фариза оқулары есте қаларлықтай дәрежеде өтті. Атырауда, Еңбек Ері, өнер қайраткері Асанәлі Әшімовтің, белгілі композитор, әнші Ескендір Хасанғалиевтің, Роза Рым­б­а­ева, Мақпал Жүнісова, Ғафиз Есімов, Ал­тынбек Қоразбаев, тағы басқа өнер тар­ландарының кездесулері – концерттік бағ­дарламалары өтті. Иран Ғайыптың театр фес­тивалі үлкен деңгейде, шын мәнісіндегі өнер мерекесі дәрежесіне айналды.
Осы іс-шаралардың басты бағыты. 

Н.Ә.Назарбаевтың «Болашаққа бағдар: ру­ха­ни жаңғыру» атты бағдарламалық ма­қа­ла­сындағы үлкен идеяларды халық санасына сіңіру болды. 
Атырауда жазда ғана емес, күзде де күн ыстық. Адамдардың жүрегі күннен де ыстық. Мұнайлы өлкенің ыстығына күйіп, отымен кіріп, күлімен шығып жүрген елдің ұлы, халықтың құлы Нұрлан Асқарұлы Ноғаев Президент командасындағы абыройы биік азамат!

Сәбит ДОСАНОВ,
жазушы, Қазақстан Республикасы Мемлекеттік сыйлығының лауреаты, 
М.Шолохов атындағы Халықаралық сыйлықтың иегері

Серік ТҰРҒЫНБЕКОВ, 
ақын, Қазақстанның еңбек сіңірген қайраткері, «Халықаралық Алаш» сыйлығының лауреаты

АЛМАТЫ – АСТАНА

СОҢҒЫ ЖАҢАЛЫҚТАР

18.01.2019

Қарағандылық инспекторға оқ атқан күдіктілердің фотосы жарияланды

18.01.2019

ҰБТ-дан жоғары балл жинаған түлек «Болашақ» арқылы шетелдерде оқи алады

18.01.2019

Батыс Қазақстан облысы әкімінің бірінші орынбасары болып Ғали Исқалиев тағайындалды

18.01.2019

Ақтөбе облысының шаруалары былтыр 228 млрд теңгенің өнімін өндірді

18.01.2019

Полиция департаменті айыппұлды уақытылы төлеуге шақырды

18.01.2019

Елордалық аурухана тұңғыш рет неврологиялық асқынуды азайтатын құрылғыны қолданды 

18.01.2019

Елордалық құтқарушылар жанып жатқан үйден 6 адамды шығарды

18.01.2019

Колумбиядағы жарылыс салдарынан 21 адам қайтыс болған

18.01.2019

Тимур Қожаоғлы: «Егемен Қазақстан» – Еуропа құрлығындағы маңдайалды басылым

18.01.2019

Алматыдағы тікұшақ апатынан кейін «Sky Service» рейстері тоқтатылды

18.01.2019

Геннадий Головкин ұлды болды

18.01.2019

Солтүстік Қазақстанда «Қайырымдылық керуені» акциясы жалғасты

18.01.2019

Головкиннің қарсыластары бір-бірімен жұдырықтасады

18.01.2019

Петропавлда ресейлік бас киімдер көрмесі ашылды

18.01.2019

Ақтөбеде жұмысшылардың еңбек құқықтарын қамтамасыз ету меморандумына қол қойылды

18.01.2019

Алматыда газбен жүретін жаңа автобустар іске қосылады

18.01.2019

СДУ-да IT технологиялары саласында білім беру жобасы басталды

18.01.2019

Мемлекет басшысы «Smart Aqkol» ахуалдық орталығына барды

18.01.2019

Елбасы кітапханасының Ақтөбеде өткен көшпелі көрмесін 120 мыңнан аса адам тамашалады

18.01.2019

Атырауда қазақтың үш биіне ескерткіш орнатылды

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

ҰҚСАС ЖАҢАЛЫҚТАР

Тағы да оқу

Пікір қосу