Бауырлас елге ықылас ерекше

Мемлекет басшысы Нұрсұлтан Назарбаев кеше Түрікменстан астанасы Ашғабатқа жұмыс сапарымен барып, жауынгерлік өнер түрлері бойынша жабық кешенде өтетін V Азия ойындарының ашылу рәсіміне қатысты. 

Егемен Қазақстан
18.09.2017 2242
2

Түрікменстан Президенті Гурбангулы Бердімұхамедов Қа­зақстан Президентін Ашға­батта өтіп жатқан Азия ойын­дарының ашылу салтанатына құрметті қонақ ретінде қатысуға арнайы шақырған болатын.  Қазақстан Президенті Өз­бек­стандағы мем­ле­кеттік са­пары аяқталысымен бірден Түрік­менстанға аттанды. 

Бөріктінің намысы бір...

Нұрсұлтан Назарбаевты Гур­бангулы Бердімұхамедов әуе­жайдан өзі қарсы алды. Азия ойын­дарының ашылу салтанаты бас­талғанға дейін Түрікменстан Президенті мен Қазақстан Пре­зи­денті екіжақты кездесу өткі­зіп, елдер арасындағы ынтымақ­тастық мәселелерін талқыла­ды. «Бөріктінің намысы бір» демек­ші, бауырлас елдердің халық­аралық деңгейдегі осындай ауқым­ды шараларды өткізу кезіндегі бірін-бірі қолдап-қолпаш­тауы өте маңызды екендігін әңгімеледі.

Жауынгерлік өнер түрлері бойынша жабық кешенде өтетін V Азия ойындары – спорт әле­міндегі беделі биік, байрақты бәсекелердің бірі. 

Мұндай халықаралық жарыс бұрын екі жылда бір өткізілетін, тек 2013 жылдан бері оны 4 жылда бір рет өткізу туралы шешім қа­былданды. Сол жылы шара Оң­түс­тік Кореяда өткен болатын. Оған дейін мұндай Азия ойын­дарының жалауы Вьетнам (2005 жылы), Қытай (2007 жылы), Таи­ланд (2009 жылы) сияқты Азия­ның алпауыт елдерінде желбіреді.

«Осындай кезде қолдау көр­сету біздің көршілік, бауыр­лас­тық парызымыз деп білемін. Сізді жабық кешенде өтетін Азия ойындарының ашылуымен құттықтаймын. Осы шара қар­­саңында көптеген спорттық нысандар салынды. Олардың бәрі ертеңгі күні халық игілігіне қалады. Сонымен қатар, мұндай шаралар Түрікменстанды, оның астанасын жақын тани түсуге, мемле­кеттің тәуелсіздік жылдары ішіндегі жетістіктерін әлемге кеңінен паш етуге мүмкін­дік береді», деді Қазақстан Прези­денті.  Сонымен қатар, Мемлекет басшысы Қазақ елі қысқы Азия ойындары, Бүкіләлемдік студенттер универсиадасы сынды әлемдік деңгейдегі ауқымды спорттық шараларды лайықты деңгейде өткізгенін атап өтті. 

«Таяуда ғана ЭКСПО аяқ­талды. Біздің өңірімізде мұндай оқиғалардың өтуі өте маңызды. Ал бүгін Азия ойындарының ашылуына зор ризашылықпен қатысатын боламыз. Біздің қа­рым-қатынастарымызға қа­тысты айтар болсам, сіздің сапарыңыздан кейін көп шаруа жасалды. Ме­нің­ше, экономикалық ық­тымақ­тас­ты­ғымыз артады»,  деді Президент. 

Нұрсұлтан Назарбаев сөз ара­сында Өзбекстанға мемле­кет­тік сапармен барып келе жатқан­дығын, жүргізілген келіссөздер барысында көптеген мәселелердің шешілгендігін де атап өтті.  

Түрікменстан Президенті өз кезегінде шақыру ұсынысын қабыл алғаны үшін Елбасына ризашылығын білдірді. «Бұл біздің ортақ мерекеміз саналады. Түрікмендер мен қазақтар, тәжіктер спорттық өңір саналады. Меніңше, баршамызға ортақ осынау мерекеде  саламатты өмір сал­тын қалай қадірлеп, халықты қалай ұйыстыру керектігін бүкіл әлемге паш ететін боламыз», деді өз кезегінде Гурбангулы Бер­дімұхамедов. Айтуынша, Азия ойындарына әлемнің 64 мемлекетінен спортшылар келген. Бұған қоса, БҰҰ өтінішімен босқындар да бұл жарысқа арнайы команда құрып, сынға түспек. Осы қадамы арқылы түрікмен халқы өңірдегі тұрақтылықты, қауіпсіздікті сақтауға мүдделі екендігін көрсетуге ұмтылуда. 

«Сіз ЭКСПО-2017 көрмесін өткіздіңіз. Осынау өңір үшін бұрын-соңды болмаған ауқымды шараны ең жоғары деңгейде ұйымдастыра алдыңыздар. Бү­гінде Сіз бен біз осындай биік шыңдарды бағындырудамыз», деді Түрікменстан басшысы. 

Спорт саңлақтарына сенім зор 

Елбасы екіжақты кездесуден соң Ашғабаттағы жауынгерлік өнер түрлері бойынша жабық кешенде өтетін V Азия ойындарына келген Қазақстанның ұлттық құрамасымен және спортшылар делегациясымен кездесті.

Кездесу барысында Елбасы ұлттық құраманың дайындығымен танысып, Ашғабатқа спортшыларымызды қолдау үшін келгенін айтты.

«Мұнда ойындарға қатысып жатқан елдердің ең үздік спортшылары келіп отыр. Біздің құ­ра­мада да көптеген танымал чемпион­дар бар», деді Нұрсұлтан Назарбаев. 

Мемлекет басшысына Қазақ­станның ұлттық құрамасының капитаны әрі осы ойындарда таэквондодан өнер көрсететін Нұрлан Мырзабаев алғыс білдірді. «Ең алдымен, Сізге еліміздегі спортты дамытуға ұдайы қолдау көрсетіп отырғаныңыз үшін алғыс айтамын. Мемлекетіміздің әлемдік спорт ареналарындағы барлық жетістіктеріне Сіздің қосқан үлесіңіз зор. Біздер – Қазақстан ұлттық құрамасының мүшелері Ашғабатта өтіп жатқан ойындарда төл туымыздың биікте жиі желбіреуі үшін бар күш-жіге­рімізді саламыз»,  деді Қазақстан құрамасының капитаны.

Президент мемлекет тарапы­нан елімізде спортпен шұғыл­данып, саламатты өмір салтын ұс­тануға барлық жағдай жасалып жатқанын айтып, саламатты ұлт қалыптастыру үшін отандық ат­леттеріміздің жетістіктері маңызды екенін атап өтті.

«Қазақстанның барлық өңір­інде түрлі спорт нысандары салынуда, атлеттеріміз жоғары дең­гейдегі сайыстарға қатысуда. Ара­ларыңызда жетістіктерге жеткен әйгілі спортшылар бар. Біздің жастарымыз – дарынды. Жыл сайын спортта жаңа есім­дер шығып жатыр. Жалпы, жас жеткіншіктер сіздердің жеңіс­теріңізге қарап, спортпен шұ­ғыл­дануға ұмтылатын болады. Ол саламатты ұлт қалыптастырудың басты шарты болып саналады. Сіздер өскелең ұрпаққа үлгі болуларыңыз керек», деді Елбасы.

Танымал қазақстандық жеңіл атлет, Лондондағы Олимпиада ойындарының чемпионы және Бейжің мен Рио-де-Жанейродағы Олимпиада ойындарының қола жүлдегері Ольга Рыпакова сөз сөйлеп, Мемлекет басшысына алғыс айтты.   «Жұмыс кестеңіздің тығыз екеніне қарамастан, бізге қамқорлық пен қолдау көрсетіп жатқаныңыз үшін Сізге барлық спортшыларымыздың атынан зор алғысымызды айтуға рұқсат етіңіз. Сіз бізбен кездесіп әңгімелесуге, ақ тілегіңізді айтып, батаңызды беруге әрдайым уақыт табасыз. Біз өзімізді тек жақсы қырымыздан танытып, Сізді және барша қазақстандық жанкүйерлерді қуантуға барымызды саламыз», деді Ольга Рыпакова. 

Соңында Мемлекет басшысы Қазақстандағы миллион­даған жанкүйерлер спортшылары­мыздың табысты өнер көрсе­те­ті­ніне сенімді екенін айтып, олардың жарысты сәтті бас­тап, айқын жеңіске жетуіне тілек­тестігін білдірді.

Динара БІТІК,
«Егемен Қазақстан» –
Ашғабаттан

Суреттер Президенттің баспасөз қызметінен алынды

СОҢҒЫ ЖАҢАЛЫҚТАР

17.01.2019

Асықтан төсеніш пен ойыншықтар жасайды

17.01.2019

Оралда «Автобус» жедел шарасы өтуде

17.01.2019

27 ақпан күні «Нұр Отан» партиясының кезекті XVIII съезі өтеді

17.01.2019

Жаңа әліпби негізіндегі қазақ тілі емлесінің ережелері

17.01.2019

Тікұшақ апатынан қайтыс болған ұшқыштың кім екені анықталды

17.01.2019

СІМ мен Ауылшаруашылық министрлігі инвестициялар мен экспорт бағытындағы үйлестіру жұмыстарын нығайтуда

17.01.2019

Жүзге жуық оқушы Wiki Camp акциясына қатысты

17.01.2019

Қорықшыларға қастандық жасағандар анықталды (видео)

17.01.2019

Үшінші мегаполистің төрт ауданында әкімдер тұрғындар алдында есеп берді

17.01.2019

4 мешітті ҚМДБ меншігіне өткізуде кедергілер бар

17.01.2019

Ақтөбелік жастар тұрғын үймен қамтамасыз етіледі

17.01.2019

Нұрлан Сейтімов Сыртқы істер министрлігінің Жауапты хатшысы болып тағайындалды

17.01.2019

Қостанайда тергеуші кісі тонаушыны қылмысы үстінде ұстады

17.01.2019

Алматыда Денис Теннің өліміне қатысты сот үкімі шықты

17.01.2019

Алматыда тікұшақ апатқа ұшырады

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен пәтер сатып алды

17.01.2019

Жамбылда экономиканың барлық саласында 4-5 пайыз өсім бар

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Ерке (18.09.2017 15:56:51)

Жұмыс сапарымен барған әр елден тек жақсы жаңалықтар мен көптеген істердің атқарылуын күтеміз. Әсіресе осы Түркменістан елімен байланыс тығыз орнатылып болған соң нәтижесі белгілі болар

Сания (18.09.2017 15:54:11)

Елбасының тікелей айтқан сөздерінен кейін тек жақсы жаңалықтар күтеміз. Себебі осындай сеніммен басқаша күтілмеген қорытындытболуы мүмкін де емес.

Айнаш (18.09.2017 15:28:42)

V Азия ойындарында Қазақстан үлкен жетістіктерге жетеді деп сенеміз. Осы ойындардың ерекшелігі туралы қайда оқысақ болады екен?

Самал (18.09.2017 15:17:48)

Барлық жасалып жатқандарға қарап отырып Елбасыға деген құрметтің асып келе жатқаның байқаймыз. Осы арқылы еліміз жылдан жылға дами түсіп, барлық жағымды істерге жақсы бастама болар деп сенеміз

Феруза (18.09.2017 15:08:36)

Түрікменстан елі де мықты мемлекет қой негізі, әр елдің өзінің ерекшеліктер болады. Осы екі ел арасында жағымды қарым-қатынас орнаса тек жақсылыққа ғой.

Пікір қосу