«Батыр бабалар» мемориалы

Бағзыдан бүгінге дейін

Егемен Қазақстан
21.09.2017 47843

Әр өңірдің дамуы үшін жер­гілікті кәсіпкерлерді іске тарту, әріптестікке шақыру соңғы кездері жиі естіп қалатын жайттардың бірі. Жеке кәсіпкерлікті дамытуға, бастаған әр іске қолдау көрсетуге арнайы жасалған бағдарламалар аз емес. Алмақтың да салмағы бар, кәсібі дөңгеленіп, ісі оңға басқан кәсіпкерлер ендігіде елдің дамуына үлес қоспағы шарт. Алматы облысы мұндай әріптестікте біраз жетістікке жетіп үлгерген ай­мақ­­тың бірі. Өңірде салынып жатқан ғимараттар мен атқарылып жатқан шаруалардың біразында мемлекеттік бюджеттің ғана емес меценаттардың үлесі де аз емес. Бұл алдағы уақытта дамудың бар­лық саласында көрініс табуға тиіс. Себебі, инвестицияны сырттан ғана емес, ішкі кәсіпкерлерден тарту да аса маңызды.

«Рухани жаңғыру» бағдар­ламасы аясында соңғы айда екі ірі нысан іске қосылды. Соның бірі Қарасай ауданында ашылған «Батыр бабалар» мемориалды кешені. Жалпы құны 465 миллион теңгені құрайтын кешеннің салынуы демеушілердің үлесіне тисе, әрлеу, көркемдеу жұмыстарына жұмсалған қаржы облыстық бюджеттен бөлінген. Бұл бір бүгін ғана атқарыла салған шаруа емес дейді істің басы-қасында жүргендер. Осыдан біраз бұрын дәл осындай әріптестік негізінде жүзеге асқан «Нұр-Мұсахан» мешіті мен оның жанынан ашылған «Күлиман Ана» медресесінің салынуы, одан соңғы «Анаға құрмет» деп аталатын рес­публика көлемінде баламасы жоқ музей қолданысқа берілген. «Батыр бабалар» мемориалы сол істердің заңды жалғасы. 

Мемориалды кешен ақ мәр­мәрмен әрленген. Шеңберлене биіктейді де, төбесіне орналасқан болат стеласы алыстан мен мұн­­далайды. Әрі-бері өткен жолау­шылардың назарын бірден тартып тұратын нысанның экс­позициялық-көркемдік безендіру жұмысына бастан-аяқ жауапты болған «Заманту» жауапкершілігі шектеулі серіктестігі. Мемориалды қоршай орналасқан қабырғалар да бос тұрған жоқ. Қазақ халқының сан ғасырлық ерлік жолының ше­жіресі осы қабырғаға бедерленген. Бұл кешеннің салыну мақсатын облыс әкімі Амандық Баталов былай түсіндірді:

– Жер жәннаты Жетісуда осындай тарихтан сыр шертетін бай мұраға толы орталықтардың ашылуы үлкен қуаныш. Елбасы­мыздың «Болашаққа бағдар: рухани жаң­ғыру» мақаласына сәйкес өңірімізде түрлі жобалар жүзеге асырылуда. Мемориал кешенінің батыр бабалар рухын асқақтатып, болашақ ұрпақты отансүйгіштікке тәрбиелеп, ой салары сөзсіз. Бүгінгі ашылып отырған «Батыр бабалар» мемориалы халық жадында қалған хандар мен билердің, батырлардың қаһармандығын насихаттайтын болады. Жастардың өз Отанының на­ғыз патриоты болып шығуы үшін осындай игі істердің пайдасы мол. 

Ықылым замандағы Сақ дәуі­рінен тартып, жаңа заманға қазақты қалай да сүйреп шығамыз деп жүріп шәһит кешкен алашордашы­лар дәуіріне дейінгі кезеңдерді рет-ретімен баяндайтын кешенді аралап шыққан жан ұлт тарихының негізгі жүлгелерінен хабардар болады. Экспозициялардың негізгі мазмұны жорыққа шыққан батырлар мен шейіт болған боздақтарды, жаугершілік заманда шайқаста жан қиған жауынгерлерді жерлеу рәсімі – тас қорымдар, жер шарына орнатылған ат үстіндегі батыр бейнесі – тарихын ат тұяғымен жазған, елі мен жерін ат тұяғымен қорғаған, сөйтіп, ізін ат тұяғымен қалдырған қазақ атты жауынгер халықтың тарихынан сыр шертеді. Ұзындығы 15, ені 3 метр болатын панорама Тұмар ханшайымның атақты жеңісті жорығы мен қазақ-жоңғар соғысын бейнелепті. Қа­быр­ғаларға қойылған тақталарда хан-сұлтандар, даңқты қолбасылар мен батырлардың бейнесі бедер­леніп, қазақ тарихындағы орны мен атқарған істері жазылған. 

Аумалы-төкпелі замандарды бастан өткеріп, үздіксе де үзіліп кетпей, бүгінге жеткен Қазақ елінің аса күрделі тарихы көрініс тапқан кешен «Туған жерге тағзым» бағдар­ламасы аясында іске аспақ 104 жобаның бірі екенін айта кеткен жөн. Кешен 1,04 гектар жерді алып жатыр. Аумағы толықтай абат­тандырылған.

СОҢҒЫ ЖАҢАЛЫҚТАР

15.08.2018

Бақытжан Сағынтаев денсаулық сақтау саласын дамыту мәселелері жөнінде кеңес өткізді

15.08.2018

БҚО құтқарушылары Шалқар көлінде 4 адамды құтқарды

15.08.2018

«Хат қоржын»

15.08.2018

Елбасы Парламент Сенатының төрағасы Қасым-Жомарт Тоқаевты қабылдады

15.08.2018

Сақтандыру шарттарын 2019 жылдан бастап онлайн режимде жасауға болады

15.08.2018

Түріктер «Қазақфильмнің» туындыларын көрсетпек

15.08.2018

Алдағы тәулікте күн суытады

15.08.2018

Астананың апорты

15.08.2018

«Егеменнің» қолдауымен «Ұлы Дала рухы» фотокөрмесі өтті

15.08.2018

Адам Пжегодскийдің Жетісудағы көпқырлы қызметі

15.08.2018

Қыркүйек айынан бастап «Астана-Теміртау» күре жолы ақылы болады

15.08.2018

Дәметкен Сүлейменованың «Жаһанша Досмұхамедов һәм қазақ автономиясы» кітабы жарық көрді

15.08.2018

Жазықсыз атылған жампоз

15.08.2018

Астананың білім беру мекемелерінің 45 басшысы тәртіптік жазаға тартылды

15.08.2018

Қарулы күштерінің сержанты ер-азаматқа лайық батылдық жасады

15.08.2018

Атыраудағы «КасХим» жылына 27 млн полипропилен мен полиэтилен шығарады

15.08.2018

Керекулік өрендер жазды ойдағыдай өткізуде

15.08.2018

Алексей Цой жеке қабылдауына жазылған азаматтармен кездесу өткізді

15.08.2018

Жамбыл филармониясына Кенен есімі берілді

15.08.2018

«ҚАЗБАТ» батальоны АҚШ-тың «Дала қыраны-2018» бітімгерлік оқу-жаттығуларына қаты­суда

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу