Ащыбұлақтағы алғашқы саябақ

Президенттің «Болашаққа бағдар: рухани жаңғыру» атты бағдарламалық мақаласында айтылған «Туған жер» бағдарламасы негізінде жүзеге асқан тағы бір игі шаруа Еңбекшіқазақ ауданының Ащыбұлақ ауылында ашылған саябақ. Әр азаматты өзі туып-өскен жердің өсіп-өркендеуіне үлес қосуға шақыратын бағдарламаны іске асыру барысында әкімдік пен жеке кәсіпкерлердің әріптестігі негізінде бірқатар шаруалар қолға алынған. Жеміс-жидек пен көкөністерді озық үлгідегі технология бойынша өсіріп, облысты сапалы өніммен қамтамасыз етіп отырған «Amal Bio» жауапкершілігі шектеулі серіктестігінің иесі Сабыровтар отбасы ауылдан жаңа саябақ ашуды құп көріпті.  

Егемен Қазақстан
21.09.2017 45716

Алғашқы қазығы осыдан үш ай бұрын, «Туған жер­ге туыңды тік» акциясында қағылған нысанды салу­ға серіктестік есебінен 30 мил­лион теңге бөлінген. 100-ден аса жас көшет пен сән­дік ағаштар отырғызылып, көгалдандырылған. Заманға сай толықтай абаттандырылған саябақта ауыл адамдарының демалуына барлық жағдай жасалған. Әдетте ауыл десе, көшені шаңдатып ойнап, жол бойында доп қуып жүретін бала-шаға елестейтін. «Шыбық мініп өстім» дейтін сөз поэзиямен астасқанда, бұрынғылардың балалық шағына қатысты айтылғанда жарасатын. Ал бүгін басқа заман. Уақыттың талабы бөлек. Расында, шыбықты ат қып мініп жүрген баланы көрмейсің қазір. Себебі басқа да қызықтар, көңіл аударар дүниелер аз емес. Тіпті «баламыз үйден шықпайтын болды, смартфоннан көз алмайды», деп шағынатындар да аз емес. Ал ауылыңда заманға сай (смартфоннан көріп жүрген) жетілдірілген саябақ тұрса, әңгіме басқа. Осы жағынан алғанда, өздері туып-өскен ауылға шағын футбол алаңы, балалардың ойнауына арналған түрлі алаңқайлар, стритболға арналған шағын алаң, 130 орындық концерттік сахна орнатылған бақ салып беру ауылдың көркін кіргізумен қатар, бірталай мәселені шешіп беретіні анық. 

«Көпке үлгі болатын іс», деп жатты көлденең жұрт. Бұл, алдымен, жаңа бастама. Саябақ, арнайы жабдықталған ойын алаңдары дегеніңіз тек орталықтың, қаланың балаларына ғана тиесілі дүниедей көрінетін. Осыдан кейін, «біздің ауылда саябақ бар» деп мақтану әдетке айналар. Бұл өз кезегінде біраз азаматтарға ой салар. Осы күнге дейін мешіт салумен ғана шектеліп келген қалталы азаматтар бұдан былай ауылдастарын, ізбасарларын басқа жағынан да қуантуды ойға алар. Сөйтіп жаңа ұрпақ «қалада мынадай екен, шетелде анадай нәрселер бар дейді» деп алысқа көз сатып, жарым көңіл өсуден арылар. 

Аталмыш парктің аумағы 1 гектар. Жоғарыда аталған ойындар ғана емес, өз қалаулары бойынша волейбол, баскетбол сияқты спорт түрлерімен де айналысуға мүмкіндіктері бар. Сахнаның орын тебуі, алдымен кеш батса-ақ не істерге білмей, сенделіп, көше кезіп жүретін ауыл жастарына пайдалы. Нағыз мәдени орталық. Асқар және Динара Сабыровтарға елдің ризашылығы алабөтен. Өңір басшысы да парктің ашылуына арнайы қатысып, «елге деген пейілін, жерге деген мейірін ықыласпен көрсете алған» кәсіпкерлерге елдің атынан, өзінің атынан алғыс айтты. Бұл алғысты келешек ұрпақ та айтады. «Атаңнан мал қалғанша, тал қалсын» дейтін ел, бүгінгі жас шыбық ертең бәйтерекке айналғанда, саясына отырған сайын алғыс жаудырары сөзсіз. 

Ал Сабыровтар мұнымен тоқтамаймыз деп отыр. Алдағы жоспар – дәл осындай саябақты Ж.Қайыпов және Қазақстан ауыл­дарынан ашу. «Amal Bio»-ның игілігін осында жұмыс істеп, нәпақа тауып жүрген ауылдық округтің 100-ден аса тұрғыны ғана емес, ендігіде саябақта ойнайтын бала-шаға да көретін болады.

Алмас НҮСІП,

«Егемен Қазақстан»

СОҢҒЫ ЖАҢАЛЫҚТАР

18.07.2018

Қызылордада АӨК саласында 10 инвестициялық жоба жүзеге асырылмақ

18.07.2018

Қамбаш көлінде демалушылардың қатары жыл сайын көбейіп келеді

18.07.2018

Сыр өңірінде жазасын өтеушілер диплом алып жатыр

18.07.2018

Қызылордада қалалық аурухана жаңа құрылғылармен толықты

18.07.2018

Жалағаш ауданында күн электр станциясының құрылысы басталды

18.07.2018

Елімізде жеңіл автокөліктердің саны артты

18.07.2018

Ұлттық ұланның «Шығыс» өңірлік қолбасшылығы жас офицерлермен толықты

18.07.2018

Ханшалар киген қасаба

18.07.2018

Степ­ногорск қалалық тарихи-өлкетану музейі ашылды

18.07.2018

Алматыда Кореямен бірлескен клиника ашылды

18.07.2018

Шекара туралы толғау

18.07.2018

Қытай елінің айшықтары

18.07.2018

Тұманды сейілткен «Талан

18.07.2018

Мағжанның «Батыр Баяны»

18.07.2018

Жеткіншектер сауықтыру лагерінде өз-өзін жетілдіре түсті

18.07.2018

Жетісайдағы Бауыржан Момышұлы атындағы №6 мектеп-гимназия үздіктері көп үлгілі мектеп

18.07.2018

Семейлік оқушылар дін тарихын оқиды

18.07.2018

«Цифрлы Қазақстан» үлкен мүмкіндіктер сыйлайды

18.07.2018

Батыс Қазақстан облысында екі мектеп пайдалануға беріледі

18.07.2018

Жауын жастана жантайған Жабағы батыр

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу