Ұйымды ұйыстыруға бағытталған ұсыныстар

Біріккен Ұлттар Ұйымы – ха­лықа­ралық бейбітшілік пен қауіп­сіз­дікті нығайту, елдер арасындағы ынты­мақтастықты арттыру, климат­тың өзгеруі, тұрақты даму, адам құқы­ғы, қарусыздану, лаңкестік, гумани­тар­лық және төтенше жағдайлар, ген­дерлік теңдік тәрізді өзге де маңыз­ды мәселелер бойынша шешімдер қа­был­дайтын, кең ауқымды өкілеттікке ие халықаралық ұйым.

Егемен Қазақстан
09.10.2017 66

Дегенмен ХХ ғасырдың соңы мен ХХІ ғасырдың басындағы әлемдік державалар арасындағы қарама-қайшылықтар, олардың түрлі аймақтардағы ық­пал­дарын арттыруға деген саясаттары, халықаралық кеңістікте жеке шешімдер қабылдап, ұйымның қарарлары мен шешімдеріне құлақ аспауы БҰҰ-ның беделі мен ықпал ету тетіктеріне кері әсерін тигізген болатын. Соңғы 20 жылда кейбір мемлекеттер түрлі желеумен, БҰҰ мінберінде талқыламастан және оның шешімінсіз басқа елдердің территориясына басып кіріп, әскери қимылдар жасап, мемлекеттік билікті құлатуға дейін баруда.

Бұдан Ұйымның ықпал ету мүм­кін­діктері азайып, түрлі елдер алдындағы беделі төмендеуде. Бұл жағдаяттар өз кезегінде Ұйымның қызметін уақыт талабына сай реформалау қажеттігін көрсетеді. Расында, Ұйымның дағдарысқа ұрынғаны соңғы жылдарда анық аңғарылуда. Көптен бері оның басқару және құрылымдық жүйесінде уақыт талабына сай өзгерістердің болмауынан, БҰҰ өзінің саяси рөлін әлсіреткендей. Ахуал осылайша жалғаса беретін болса, Ұйыммен есептесетіндер саны да азая түсетіні сөзсіз. Осы орайда БҰҰ-ны реформалауға қатысты тұшымды ұсыныстар қажет болды. Бұл мәселеде Қазақстан Президенті Нұрсұлтан Назарбаев БҰҰ-ның биік мінберінен өзінің ілгері ниетінен туындаған ілкімді ойларын білдіріп, халықаралық қоғамдастықтың ризашылығына бөленгенін айырықша атап өтуіміз керек.

ЕҚЫҰ, ИЫҰ, ШЫҰ, АӨСШК сияқты қызметтері қауіпсіздік пен тұрақтылықты сақтауға бағытталған белді халықаралық ұйымдарға табысты төрағалық етіп, олардың қызметін жаңа сатыға көтеріп, ғаламдық және аймақтық деңгейдегі қауіпсіздікті қамтамасыз ету бағытында нақты ұсыныстар мен іс-қимылдар жасап келе жатқан еліміздің Президенті БҰҰ-ның 70 жылдық мерейтойына арналған саммитінде оның қызметін саяси және экономикалық бағыттарда жетілдіруге қатысты тың бастамалар көтеріп, оны іске асыру тетіктерін жариялаған болатын. Онда негізінен Ұйымның лаңкестік пен экстремизмге қарсы күресін күшейтіп, мемлекеттерді зұлымдыққа қарсы біріктіру, оның Экономикалық және әлеуметтік кеңесін Жаһандық даму кеңесіне айналдыру, Жаһандық стратегиялық бастама - 2045 жоспарын әзірлеу секілді маңызды ұсыныстар айтылған-ды. Сондай-ақ, Елбасы БҰҰ-ның дамуына жаңа қарқын беру мақсатында, жыл сайын әрбір мемлекет өз қорғаныс бюджетінің 1 пайыздық мөлшерін БҰҰ-ның Тұрақты даму мақсаттары үшін құрған арнайы қорына аударып, оның штаб-пәтерін Азия аймағына көшіру сияқты маңызды ойларын да халықаралық қоғамдастықтың назарына ұсынған еді. Бұдан бөлек, БҰҰ-ның жұмысын жетілдіру мәселелері еліміздің БҰҰ Қауіпсіздік Кеңесінің тұрақты емес мүшесі ретіндегі жеті негізгі басымдықтарының бірінде атап көрсетілген. 

Таяуда БҰҰ Бас Ассамблеясының 72-сес­сиясында БҰҰ қызметін жетіл­діруге қатысты арнайы іс-шара өтіп, оның қызметін реформалауға қатысты ұсы­ныстар жасалып, арнайы декларация қабылданды. Декларацияда Бас хатшының рөлін күшейту, БҰҰ бүкіл жүйе­сінің есеп беруін және ашықтығын арттыру, ұйымды қаржыландыруда елдердің үлесін теңестіру, менеджмент сапасын көтеру, бюджеттік жоспарлауды же­тілдіру, сияқты т.б. мәселелер қамтыл­ған. Сонымен қатар, құжатта мүше мем­ле­кеттер мен БҰҰ Хатшылығы арасын­дағы әріптестік қатынастар мен сенімді нығайту маңыздылығы айтылған. 

Жалпы, Декларацияны қолдаған Ұйым­ға мүше 128 мемлекеттің қатарында біздің еліміз де бар. БҰҰ-ны реформалау бойынша қабылданған бұл құжатта көзделген мәселелер Қазақстанның осы саладағы негізгі көзқарастарына, Елба­сы­ның ұсыныстарына толық сәйкес келеді. Бұл Декларация Ұйымдағы дағ­да­рыстық жағдайды тоқтатуға, 72 жыл бұрын Сан-Францискода басталған үр­дісті жандандыра түсуге жол ашатыны сөзсіз. Декларация БҰҰ-ға мүше 193 мем­лекеттің басшыларының бәріне «сағат­тарын теңестіруге» және Ұйымның бола­шақтағы маңызды басымдықтарын анықтауға бірегей мүмкіндіктер бермек. 

Қазақстан БҰҰ Қауіпсіздік Кеңесіне 2017-2018 жылдардағы тұрақты емес мүше­сі ретінде Ұйым қызметін түрлі бағыт­тары бойынша мүмкіндігінше жетіл­діруге, мемлекеттер арасындағы қара­ма-қайшылықтар мен текетірестерді барынша бейбіт, дипломатиялық жолмен, тәуелсіздік жылдары жинақталған бітімгерлік тәжірибесін барынша қолдана отырып шешуге күш салатын болады. 
 

СОҢҒЫ ЖАҢАЛЫҚТАР

18.07.2018

Қызылордада қалалық аурухана жаңа құрылғылармен толықты

18.07.2018

Жалағаш ауданында күн электр станциясының құрылысы басталды

18.07.2018

Елімізде жеңіл автокөліктердің саны артты

18.07.2018

Ұлттық ұланның «Шығыс» өңірлік қолбасшылығы жас офицерлермен толықты

18.07.2018

Ханшалар киген қасаба

18.07.2018

Степ­ногорск қалалық тарихи-өлкетану музейі ашылды

18.07.2018

Алматыда Кореямен бірлескен клиника ашылды

18.07.2018

Шекара туралы толғау

18.07.2018

Қытай елінің айшықтары

18.07.2018

Тұманды сейілткен «Талан

18.07.2018

Мағжанның «Батыр Баяны»

18.07.2018

Жеткіншектер сауықтыру лагерінде өз-өзін жетілдіре түсті

18.07.2018

Жетісайдағы Бауыржан Момышұлы атындағы №6 мектеп-гимназия үздіктері көп үлгілі мектеп

18.07.2018

Семейлік оқушылар дін тарихын оқиды

18.07.2018

«Цифрлы Қазақстан» үлкен мүмкіндіктер сыйлайды

18.07.2018

Батыс Қазақстан облысында екі мектеп пайдалануға беріледі

18.07.2018

Жауын жастана жантайған Жабағы батыр

18.07.2018

Сынақтар шежіресінен сыр шертеді

18.07.2018

Әліпби – жазуымыздың іргетасы

18.07.2018

Малдәрігерлік қызмет уақыт талабына сай ма?

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу