Аймақтар • 25 Қазан, 2017

Қостанай облысы Алтынсарин ауданының жаңа әкімі тағайындалды

612 рет
көрсетілді
1 мин
оқу үшін

Облыс әкімі Архимед Мұхамбетов Алтынсарин ауданының жаңа әкімі Ерлан Жамановты таныстырды. 

Қостанай облысы Алтынсарин ауданының жаңа әкімі тағайындалды

Ол осыған дейін  Денисов ауданын 3 жыл басқарған болатын. Ал Алтынсарин ауданының бұрынғы әкімі Батырбек Ахметов  қазір  Жер қатынастары басқармасы тізгінін алды.

Ерлан Жаманов 49 жаста, жоғары медициналық және заң білімі бар. Арқалық қаласында мемлекеттік саниэпидемиялық бақылау басқармасын басқарды, қала әкімінің орынбасары қызметін атқарды. Сосын Денисов ауданына әкім болып тағайындалды.

Алдағы жақын уақытта облыстың тағы да бірнеше ауданында әкімдер ауыстырылады.

Нәзира Жәрімбет

«Егемен Қазақстан»

ҚОСТАНАЙ