Бұл қызметке Зылиха Тұрсынғалиқызы Отарғазиева тағайындалды.
Ол 1964 жылы Батыс Қазақстан облысы Шыңғырлау ауданында туған.
Павлодар политехникалық техникумын, Алматы халық шаруашылығы институтын, Қазақ гуманитарлық заң университетін бітірген. Техник-технолог, экономист, заңгер бакалавры мамандықтары бар.
Еңбек жолын Алға май дайындау зауытында инженер-технологтан бастаған. Кейін қышқыл сүт цехының басшысы, жетекші экономист, жоспарлау бөлімінің басшысы, экономикалық мәселелер жөніндегі директордың орынбасары болған.
2005-2017 жылдары Ақтөбе облысы бойынша қаржылық бақылау және мемлекеттік сатып алу басқармасында, қаржылық бақылау инспекциясында, ішкі мемлекеттік аудит департаментінде жауапты қызметтер атқарған.
Өмір ЕСҚАЛИ,
«Егемен Қазақстан»
