Қазақстан • 03 Қараша, 2017

Есімін «Егемен» алып берген

911 рет
көрсетілді
4 мин
оқу үшін

Халқымыздың ежелгі өмір сүру дағдысы мен ұғым-түсіні­гін­де қарашаңырақ атауының мәні жоғары. Бұл тіркес арғ­ы-бергі тарихымыздағы өзіндік орны бар қасиетті ғи­ма­раттарға немесе ұрпақтар сабақтастығына орай да қол­даныла береді. Осы орайда Ақтөбе қаласындағы Ғұ­байдолла Ақтаев атындағы қазақ орта мектебін өңір жұрт­шылығы қарашаңырақ деп атауы орынды. 

Есімін «Егемен» алып берген

Бүгінгі таңда облыс орталы­ғын­да 78 орта білім беретін оқу орны бар екенін ескерсек, солар­дың арасында №6 мектеп­тің ең­сесі биік, мәртебесі жоғары. Қарашаңырақ атанған білім ордасын өзгелерден айрықшалап отыр­ған басты фактордың бірі – ұстаз­дардың ұлттық тәрбие ұс­тын­дарын негізге ала отырып, бү­гінгі білім беру моделімен ұш­та­стыра білуінде. Бір сөз­бен айтқанда, бұл – қазақы қа­лып­тан ажырамаған, ұлттық салт-дәстүрлерді білім мен тәр­бие беру ісінде ту қылып ұс­тай білген ұлағатты оқу орны. Атал­ған оқу орнынан белгілі тұлғалар тү­леп ұшты. Олардың қатарында Жан­сен Кереев, Ким Серікбаев, Істай Мәмбетов, Рабиға Сыздықова, Бәкір Тәжібаев, Ерлан Карин секілді елге еңбек етіп жүрген азаматтар.

Тәуелсіздіктің алғашқы жыл­­­дарында №6 қазақ-орта мек­­­те­бінің базасында тәжірибе ре­­тінде «Елім-ай» бағдарламасы жү­­зеге асырылды. Осы атаумен рес­публикалық деңгейдегі әдіс­темелік орталық құрылып, оның тәжірибесі өзге мектептер­ге үл­гі-өнеге ретінде таратылды. Осы кезден бастап мұнда ор­та білім беру ісінің білікті же­тек­­­шілерінің бірі Зура Құдай­бер­­генованың бастамасымен ав­­тор­лық мектеп жұмыс істей бас­­тады. Көп кешікпей  мек­теп өкілдері құрастырған үш бө­лімнен тұратын «Өнер әліп­пе­сі» оқулығы жарыққа шықты.

Бұдан кейін құрылған «Жас Дарын» атты оқушылардың ғы­лыми қоғамының да жеткен же­тіс­тіктері мол. Сол кездегі мектеп директорының оқу-әдістеме жөніндегі орынбасары Күләш Қоңырбаеваның бағдарламасы кейіннен халық­ара­лық маңызға ие болды. Осы қоғамға мүше болып кір­ген оқушылардың арасынан республикалық олимпиада же­ңім­паздары мен халықаралық ғылыми жобалар жарысының жүлдегерлері шықты.

Ал қазіргі күні қараша­ңы­рақ­тағы оқу-тәрбие үдері­сі­нің жай-күйі қандай деген мәсе­ле­ге келсек, мектеп директо­ры Шолпан Жанғалиеваның ай­туын­ша, бұл көрсеткіш өңір­де­гі барлық мектептер бойын­ша жасалатын көп қыр­лы әрі көп бағыттағы мони­тор­ин­гтік талдаулардың қорытын­ды­ларына сай белгіленбек.

1936 жылы оқу орнына белгілі кеңестік маршал Климент Ворошилов келіпті. Сол-ақ екен, көп кешікпей мек­теп­­тің атауы оның есімімен ата­­лады. 1995 жылы Ақтөбе қа­лалық мәс­ли­ха­тының ше­ші­міне сәйкес, мектеп­ке Ғұбайдолла Ақтаевтың есімі берілген. Ол кісі қатардағы математика пәнінің мұғалімі, директоры болып қызмет етіп, педагогикалық қызметінің 37 жылын осы мектеппен бай­ла­ныстырған елге сыйлы, білік­ті­лігі мол, көзі тірісінде биік пара­сат иесі бола білген екен. Біз оқу-тәрбие үдерісімен танысу сәтінде газетіміздің Ақтөбе облысы бойынша меншікті тілшісі қызметін атқарған әріптесіміз, мар­­­құм Әмір Оралбайдың Ғұ­байдолла Ақтаев жөнінде «Ұс­­таз ұлағаты» деп аталатын мақала жазғаны жөніндегі дерек­ке де тап болдық. Кейін осы мақала аталған мектепке Ғ.Ақта­евтың есімі берілуіне үл­кен қозғау салыпты.

Қазіргі кезде мек­­тептің ма­те­риалдық-тех­ни­калық ба­засын одан әрі жақ­сар­ту мәселелері мен қосы­м­ша са­бақтар беру тәртібі мен көле­мін ұлғайту жолдары қарас­ты­рылып отыр. Қалай деген­де де мектептегі бі­лім сапасы дең­гейін одан әрі кө­теру тә­сіл­де­рін жетілдіре бе­р­мекпіз, дейді Шолпан Серікбайқызы.

 

 

Темір ҚҰСАЙЫН,

«Егемен Қазақстан»

АҚТӨБЕ