Испания Каталония үкіметінің сегіз мүшесін қамауға алды

Испанияның ұлттық соты Каталония үкіметінің сегіз мүшесін қамауға алу туралы шешім қабылдады. Олардың қатарында өңірдің бұрынғы вице-президенті Уриол Жункерас та бар. Бұл туралы bbc.com хабарлады.

Егемен Қазақстан
03.11.2017 2113
2

Бейсенбі күні Мадридте өткен сот отырысына Каталония билігінің тоғыз мүшесі келген. Сегізі сол жерде қамауға алынды. Испания прокуратурасы тағы бес адамды тұтқынға алуды көздеп отыр. Олардың арасында аймақтың бұрынғы басшысы Карлес Пучдемон бар.

Қамауға алынған министрлерге бүлікшілдік, мемлекет қаражатын орынсыз пайдаланды деген айып тағылып отыр. Егер бүлікшілдік кінәсі дәлелденсе 30 жыл бас бостандығынан айырылуы мүмкін.

Үкіметтің бұрынғы мүшесі, яғни кәсіпкерлік ісі және ғылым департаментінің басшысы Санти Вилу 50 мың еуро кепілдік арқылы бостандықта қалды. Ол Каталония тәуелсіздігін жарияламас бұрын отставкаға өз еркімен кеткен.

Карлес Пучдемоннан бөлек биліктің өзге төрт мүшесі бейсенбі күнгі сот отырысына қатыспады. Қазір олар Бельгияда. Өз кезегінде Испания прокуратурасы оларды тұтқынға алу жағын қарастыруда.

Пучдемон Брюссельде өткізген баспасөз-конференциясында бельгиялық биліктен саяси баспана сұрамайтынын мәлімдеді. Испаниядан жол жүріп кетуін «қауіпсіздік пен бостандық» қамы ретінде түсіндірді. Мадрид тарапы кейбір мәселелерге қатысты кепілдік берер болса оралуға дайын екенін жеткізді.

Испанияның ұлттық радиосы «twitter» парақшасында Пучдемонның Брюссельдегі дәмханалардың бірінде түскен фотосын жариялады. Бұл уақытта Каталония үкіметінің өзге мүшелері Испаниядағы сот отырысында болатын.

Испания билігі кімдерді қамауға алмақ?

Брюссельдегі жиында Пучдемон әділ сот талқылауына кепілдік бермейінше өзі де, қызметтерінен босатылған өзге төрт әріптесі де Испанияға оралмайтынын айтты.

Efe ақпарат агенттігі Бельгия федералдық прокуратурасы оларды қамау туралы ордер алғаннан кейін ғана бәрін заңды жолмен жүзеге асыратынын хабарлады.

Испания прокуратурасы мына шенеуніктерді қамауға алу туралы ордер сұрап отыр:

Меритчель Серрет, бұрынғы ауыл шаруашылығы министрі;

Антони Комин, бұрынғы денсаулық сақтау министрі;

Луис Пуч, бұрынғы мәдениет министрі;

Клара Понсати, бұрынғы білім министрі.

Мәліметтер бойынша олардың кейбірі сот отырысына видео арқылы байланысқа шығуды сұраған.

Егер Испанияның жоғарғы соты тұтқынға алу туралы ордер беретін болса, еуропалық қамау ордері (EAW) Бельгияның прокуратурасына жіберілетін болады. Өз кезегінде бельгиялық тарап 24 сағат ішінде істің мән-жайын анықтап, нақты бір шешімге келуі тиіс. Егер олар ордердің негізділігіне көз жеткізсе, Пучдемон мен өзге төрт экс-министрді 15 күн ішінде қамауға алуы тиіс. Егер ордерде көрсетілгендер (біреуі болса да) аппеляцияға беретін болса процесс тағы 15 күнге созылуы мүмкін.

Бельгия күдіктілерді тұтқынға алғаннан кейін 60 күн ішінде Испанияға беруі тиіс. Егерде олар құқықтық тұрғыда ешқандай қарсылық көрсетпесе бұл іс алдағы бірнеше күннің ішінде аяқталуы мүмкін.

Бұдан бөлек, Бельгия тарапы еуропалық ордерден мына жағдайда бас тартуға құқылы: экстрадиция күдіктілердің тиісті құқығына шектеу келтірмейтініне күмән келтірсе, діни, нәсілдік немесе саяси себептерге қатысты кемсітушілікке ұшыраған жағдайда, ордер сұратқан елде әділ сот жүргізілетініне кепілдік бермесе.

«Каталония ұлттық ассабамлеясы» сот шешіміне наразылық таныту үшін қала тұрғындарын көшеге шығуға шақырды.

Каталониядағы жағдайдың тұрақсыздығы кезінде Пучдемонның іс-әрекетін кейбір жергілікті саясаткерлер сынға алған болатын. Сондай-ақ, үкіметтің бес жоғары деңгейлі мүшесіне, оның спикері Карме Форкаделге осыған ұқсас айыптар тағылған болатын. Олардың ісін қазір жоғарғы сот тексеруде. Тыңдалымы 9 қараша күні өтеді.

Айта кетейік, өткен айдың басында Каталонияда тәуелсіздік алу жөнінде референдум өткен болатын. Алайда Мадрид бұл референдумды заңсыз деп тапты.

Бірақ бұл аймақ арада бірнеше күн өткеннен кейін тәуелсіздік жөнінде декларацияға қол қойып, оны ресми түрде жариялауды кейінге қалдырды. Себеп – Мадридпен арадағы келіссөздерді нәтижелі аяқтау. Өз кезегінде Испания Каталонияның біржақты шешіміне наразылығын білдіріп, конституцияның 155-бабын қолданатынын ескертті. Яғни, өңірдің автономиялығы тоқтатылып, Мадрид тікелей билік жүргізеді.

Нәтижесінде Мадрид 155 бапты қолданып, Каталония билігін таратып жіберді.

Бейсенбі күні Испанияның орталық банкі бұл Каталонияның экономикасына айтарлықтай зиянын тигізетінін хабарлады.

Аян ӘБДУӘЛИ,
«Егемен Қазақстан»

СОҢҒЫ ЖАҢАЛЫҚТАР

24.01.2019

«ҚТЖ» ҰК» АҚ басшысы Сауат Мыңбаев «Қорғас-Шығыс қақпасы» АЭА нысандарында болды

24.01.2019

Ольга Довгун Токио олимпиадасы қарсаңындағы басты міндеттерді атады

24.01.2019

Басқа басылымдардан: Қазақстанда Жастар жылы ашылды

24.01.2019

Астананың инвесторлар үшін тартымдылығы артты

24.01.2019

Астана экономика құрылымында ШОБ үлесі бойынша көш бастап тұр

24.01.2019

Астанада әлемдік сауда орталығы салынады

24.01.2019

Ақтөбе облысында «7-20-25» бағдарламасы бойынша 202 өтінім мақұлданды

24.01.2019

Астық пен ұн тасымалдауды қамтамасыз ету – «ҚТЖ» ҰК» АҚ ерекше бақылауында

24.01.2019

Қызылордада балық өсіруге субсидия бөлінді

24.01.2019

«Жастар жылындағы жетістігің» акциясы желтоқсанға дейін жалғасады

24.01.2019

Жетісу университетінде Жастар орталығы құрылды

24.01.2019

Өткен тәулікте елордадан 17 мың текше метрден астам қар шығарылды

24.01.2019

Елордаға 2 мың тонна көмір жеткізілді

24.01.2019

Франция елшісінің кеңесшісі Лор Кастен: «Мен үшін Қазақстан – Абай!»

24.01.2019

Астана қалалық ЖИТС орталығында жыл сайын 300 мыңнан астам зерттеу жүргізіледі

24.01.2019

Өрт каскаларын жинаумен айналысатын подполковник

24.01.2019

Семей жастары сенімді ақтайды

24.01.2019

Венесуэладағы шеру соңы биліктің ауысуына әкелді

24.01.2019

Атырау әлеуметтік мекемелерінде ай сайын ашық есік күні өтеді

24.01.2019

Ақын Оразақын Асқар өмірден озды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу