1 - желтоқсан Тұңғыш Президент күні биыл жұмаға келіп тұр, сол себепті қазақстандықтар 1-і мен 3-і аралығында үш күн қатарынан демалады. Бұл шарт 5 күндік жұмыс аптасына қатысты, 6 күндік жұмыс аптасында 2 желтоқсан жұмыс күні.
Биылғы жылы 26 жылдығы тойланатын Тәуелсіздік күні 16-17 желтоқсан аралығында аталып өтеді. Ол сенбі мен жексенбі күндеріне келіп отыр. Қазақстандағы мерекелік күндер туралы заңға сәйкес, демалыс күні мерекелік күнмен қатар келетін болса, мерекелік күнен кейінгі жұмыс күнінде демалыс болады. Осылайша, қазақстандықтар 16-19 желтоқсан аралығында қатарынан 4 күн демалады.
