Астана әуежайына Ресейдің Таганрог қаласындағы авиажөндеу зауытында күрделі жөндеу жұмыстары мен жетілдіруден өткен Ан-12 әскери-көлік ұшағы келіп қонды.
Ан-12 ұшағы жеке құрам (60-96 адам) мен жүктерді (20 тоннаға дейін), Қарулы Күштер мен әскери техниканы тасымалдауға, арнайы мақсаттағы әскерлерді парашюттен түсіруге, әскери-көлік авиация бөлімдері мен бөлімшелерінің жеке құрамын жауынгерлік дайындықпен қамтамасыз етуге арналған. Яғни, ол Қазақстан Республикасы Қарулы Күштерінде пайдаланылатын орта буындағы авиациялық техника болып табылады.
Күрделі жөндеу мен толық жетілдіруден өткен Ан-12 ұшағына Қазақстанның Әскери-әуе күштері үшін халықаралық маяк бойынша навигация және отырғызу жүйесі, радиомаякты радиоқашықтық, суперрадиостанса, метеолокатор, биіктік өлшеу, GPS стансасы сияқты жүйелер қондырылған.
Ан-12 БП ұшағын күрделі жөндеуден өткен соң кемінде алты жылға дейін еркін пайдалануға болады.
Оксана ПАРПУРА.