«2008 жылы ТШО шикі газ айдау мен екінші буын зауыттары жобасын аяқтаған болатын, нәтижесінде мұнайдың тәуліктік өндірісі шамамен 75 мың тоннаға (600 мың баррель) және табиғи газдың тәуліктік өндірісі 22 млн текше метрге жетті (750 млн текше фут). 2017 жылдың қаңтар айынан қыркүйекке дейінгі аралықта Теңіздегі шикі мұнай өндірісінің көлемі 21,4 млн тоннаны құрады (171 млн баррель)», - деп хабарлады компанияның баспасөз қызметінен.
2016 жылмен салыстырғанда Теңіздегі өндіріс айтарлықтай өскен жоқ - былтырғы жылдың қаңтар-қыркүйек айларында 20,3 млн тонна мұнай өндірілді (160 млн баррель). ТШО шикі мұнайды түрлі бағыттарға экспорттайды, Каспий құбыр желісі консорциумы арқылы Новороссийскіге, темір жолдар арқылы Одесса, Тамань, Ақтау, одан әрі Батуми мен Кулевиге жеткізіледі.
Қазіргі уақытта ТШО Теңіз кен орнынан 26-27 тонна мұнай өндіреді. Теңіздегі ТШО қуаттылығын кеңейту аяқталғаннан кейін өндіріс жылына 39 млн тоннаға жетеді деп жоспарлануда. Кен орындарында 130 ұңғыма бұрғыланған, 2020 жылға қарай тағы 100 ұңғыма пайдалануға беріледі деп жоспарланып отыр.
