«Өздеріңізде білетіндей, кеше Шешен Республикасының астанасы Грозный қаласына Сирияда жанжал болып жатқан аймақтан құтқарылған бір топ адам жеткізілді. Олардың арасында Қазақстан азаматтары да болды. Ол 1988 жылы дүниеге келген Орал қаласының тұрғыны мен оның кәмелеттік жасқа толмаған 4 баласы. Оларды Грозный әуежайында Қазақстанның Ресейдегі Елшілігінің қызметкерлері күтіп алды. Жақын арада олар Қазақстанға жеткізілетін болады», - деді ол.
Осы ретте Әнуар Жайнақов Сыртқы істер министрлігі отандастарымызды Сириядан қауіпсіз жерге шығарғаны үшін ресейлік тарапқа және Шешен Республикасының басшылығына шынайы ризашылық білдіретіндігін атап өтті.
«Балалардың ең кішкентайы осы жылы туған, бірнеше айлық қана. Ал ең үлкені 2012 жылы туған. Балалар Қазақстан азаматы, аты-жөндері жарияланбайды», - деді СІМ баспасөз қызметінің жетекшісі.
