Бүгін Үкімет отырысында қандай мәселелер талқыланды?

Бүгін Премьер-Министр Бақытжан Сағынтаевтың төрағалығымен өткен Үкімет отырысында ауыл шаруашылығын мемлекеттік қолдауды жетілдіру жөніндегі шаралар, сондай-ақ электронды сауда-саттықты дамыту мәселелері, денсаулық сақтау саласын цифрландыру жайы қаралды.

Егемен Қазақстан
14.11.2017 2252

Жиында ауыл шаруашылығын мемлекеттік қолдауды одан әрі жетілдіру мақсатында қабылданып жатқан негізгі шаралар туралы Ауыл шаруашылығы бірінші вице-министрі Қайрат Айтуғанов баяндады. Вице-министрдің мәлімдеуінше, агроөнеркәсіп кешенін мемлекеттік қолдауды жетілдіру мақсатында, сондай-ақ 2017-2021 жылдарға арналған АӨК-ті дамыту мемлекеттік бағдарламасын іске асыру аясында ауыл шаруашылығының басым бағыттарын дамыту және АӨК-ке мемлекеттік қолдауды жетілдіру карталары әзірленген. Ауыл шаруашылығы кооперациясын дамыту, аграрлық қайта өңдеу, АӨК-ті қарқынды техникалық қайта жабдықтау, тұқым шаруашылығы, өсімдіктерді қорғау, агрохимия, мал азығы өндірісі, көтерме-үлестіру орталықтары, егіндіктерді ұлғайту, отарлы қой шаруашылығын дамыту бойынша он карта қабылданған. Ал аграрлық ғылымды дамыту, сиыр еті өндірісі, субсидиялаудан жеңілдікті несиелендіруге көшу арқылы мемлекеттік қолдау шараларының тиімділігін арттыру карталары әзірлеу сатысында.

Ауыл шаруашылығын мемлекеттік қолдау мәселесі бойынша жиында бұдан әрі «Атамекен» ҰКП агроөнеркәсіптік кешен комитетінің төрағасы Иван Сауэр, Қазақстан машина жасаушылар одағының төрағасы Мейрам Пішембаев, С.Сейфуллин атындағы Қазақ агротехникалық университетінің ректоры Ақылбек Күрішбаев, Қарағанды облысы фермерлер одағының төрағасы Игорь Жабяк, Жамбыл облысының әкімі Кәрім Көкірекбаев, Ақмола облысының әкімі Мәлік Мырзалин сөз сөйледі.

Қорытындысында Премьер-Министр Бақытжан Сағынтаев бірқатар нақты тапсырмалар берді. Біріншіден, Ауыл шаруашылығы министрлігіне әкімдіктермен бірлесіп, ауылшаруашылық өнімін шығарудан бастап оны сыртқы нарықтарға экспорттауға дейін тиімді тізбек құру. Екінші, Ауыл шаруашылығы министрлігіне Білім және ғылым министрлігімен бірлесіп, ауылда міндетті түрде еңбекпен қамтамасыз ету шартымен, ауыл жастарына берілетін гранттардың санын ұлғайту мәселесін пысықтау. Үшінші, Ауыл шаруашылығы министрлігіне әкімдіктермен бірлесіп, өңірлердің мамандануын ескере отырып, ауылшаруашылық өнімдерін субсидиялау тетігіне егжей-тегжейлі талдау жасау, сондай-ақ ұсынылған барлық шараларды 2021 жылға дейінгі АӨК-ті дамыту мемлекеттік бағдарламасына біріктіру мәселесін пысықтау тапсырылды.

Үкімет отырысында қаралған келесі мәселе бойынша негізгі баяндамашы Ұлттық экономика бірінші вице-министрі Руслан Дәленов электронды коммерцияны тиімді дамыту мақсатында Электронды сауда-саттықты дамыту бойынша 2018-2020 жылдарға арналған жол картасы әзірленгенін және бекітілгенін атап өтті. «Интернет-дүкен» түсінігін, сондай-ақ сатушылар мен делдалдардың интернет-дүкендер құру мәселелерін регламенттейтін нормаларды қарастыратын «Сауда қызметін реттеу туралы» заңға түзетулер жасалғанын, сондай-ақ мобильді төлемдердің жеңілдетілген тетігін енгізуді ынталандыру, мобильді төлемдерге комиссияны төмендету бойынша ұсыныстар, электронды шот-фактураны пайдалануға толық көшуді қамтамасыз ету мәселелері пысықталып жатқанын жеткізді. Электронды коммерцияны дамыту бойынша қабылданған шаралар туралы бұдан әрі Ақпарат және коммуникациялар министрі Дәурен Абаев, Қаржы министрі Бақыт Сұлтанов, «Қазпошта» АҚ басқарма төрағасы Сәкен Сәрсенов баяндады.

Мәселені талқылау қорытындысы бойынша Премьер-Министр электронды сауда-саттықты дамыту үшін елімізде біраз жұмыс атқарылып жатқанын, салық жеңілдіктері берілетінін, сәйкес жол картасы әзірленгенін, алайда сонымен бірге тұтынушылардың құқықтарын қорғау туралы ұмытпау керек екенін атап өтті. Осыған байланысты Ұлттық экономика министрлігіне мүдделі мемлекеттік органдармен және ұйымдармен бірге тұтынушылардың құқықтарын қорғау және бизнесті онлайн сауда-саттыққа ынталандыру бойынша тәсілдерді қарастыратын заңнаманы жетілдіру шараларын қабылдау тапсырылды. Инвестициялар және даму, Ұлттық экономика министрліктеріне электронды коммерцияның жеделдетілген дамуына бағытталған өзіндік өндіріс тауарлары, жұмыстар және қызмет көрсетулер тізімін кеңейту мәселелерін пысықтау тапсырылды.

Денсаулық сақтау министрі Елжан Біртанов өз кезегінде денсаулық сақтау саласын цифрландыру бойынша жүргізіліп жатқан жұмыстар жайында айтып берді. Елжан Біртановтың айтуынша, денсаулық сақтау саласын цифрландыру Президенттің «Қазақстанның үшінші жаңғыруы: жаһандық бәсекеге қабілеттілік» Жолдауын іске асыру аясында «Денсаулық сақтау жүйесін жаңғырту» жобасы бойынша жеке бастама ретінде іске асырылуда, сонымен қатар «Цифрлы Қазақстан» мемлекеттік бағдарламасымен толық сәйкестендірілген.

«Денсаулық сақтау жүйесін цифрландырудың 2017-2018 жылдарға арналған жол картасы әзірленді. Жыл соңына дейін Бірыңғай интеграциялық платформаны қанатқақты енгізу көзделген, оның аясында Қазақстанның әрбір азаматының жеке ұяшығы – денсаулығының электронды паспорты болады. Сондай-ақ жекелеген қызметтердің жұмысы автоматтандырылады. Олар: медициналық сақтандыру қоры, қоғамдық денсаулық сақтау мен дәрі-дәрмекпен қамтамасыз ету саласы.

«Денсаулық сақтау министрлігі мен IBM компаниясының арасында ынтымақтастық туралы меморандумға қол қойылды, оның шеңберінде «Watson for oncology» – денсаулық сақтау саласына жасанды интеллектіні қанатқақты енгізу жоспарланған. Қазіргі таңда жоғарыда аталған меморандум аясында қанатқақты жобаны жүзеге асыру бойынша жол картасы әзірленуде», деді министр.

Е.Біртановтың айтуынша, денсаулық сақтау саласын цифрландыру арқылы медицина қызметкерлерінің еңбек өнімділігін ұлғайтып, халықтың медициналық қызметтерге қанағаттану деңгейін арттыру көзделген.

Үкімет отырысының соңында алдағы жылы Пхенчхан қаласында (Оңтүстік Корея) өтетін ХХІІІ қысқы Олимпиада ойындарына дайындық барысы да пысықталды. 2017 жылы өтетін қысқы Олимпиада ойындарында әлемнің 80-нен астам елінен 5000-нан астам спортшы мен ресми тұлға қатысады деп жоспарланған. 15 спорт түрі бойынша 102 медаль жиынтығы ойнатылатын болады. Қазақстандық спорт делегациясы 9 спорт түріне қатысуды жоспарлап отыр: биатлон, мәнерлеп сырғанау, тау шаңғы спорты, шорт-трек, конькимен жүгіру спорты, шана спорты, шаңғы жарысы, шаңғымен трамплиннен секіру, фристайл (акробатика, могул).

Қазіргі таңда Қазақстанда екі спорт түрі бойынша 13 лицензия бар. Оның 10-ы биатлоннан, 3-і мәнерлеп сырғанаудан. 2017-2018 маусымда лицензияға ие болу үшін қысқы спорт түрлері бойынша Қазақстанның құрама командасы халықаралық спорттық күнтізбеге сәйкес халықаралық біліктілік жарыстарына қатысады.

«Еліміздің Олимпиада құрамасын қалыптастыру атлеттердің дене дайындығының деңгейін, психологиялық тұрақтылығын ескере отырып, қорытынды іріктеу кезеңі мен допингке қарсы бақылау нәтижелері бойынша келесі жылдың қаңтарына дейін жалғасады», деді еліміздің Мәдениет және спорт министрі  Арыстанбек Мұхамедиұлы.

Мәселені талқылау қорытындысында Үкімет басшысы Б.Сағынтаев Мәдениет және спорт министрлігінің басшылығына қысқы Олимпиада ойындарына дайындықты сапалы жүргізуді тапсырды.

Динара БІТІК,
«Егемен Қазақстан»

СОҢҒЫ ЖАҢАЛЫҚТАР

16.07.2018

Астана перзентханасында тағы бір әйел қайтыс болды

16.07.2018

Үкіметте Қазақстанның Үшінші жаңғыруын жобалық басқару мәселелері жөнінде кеңес өтті

16.07.2018

Ұлы Дала Еліне саяхат: Алтайдан Жібек жолына дейін

16.07.2018

Атырауда жылжымайтын мүлік нарығында баға төмендеуі мүмкін

16.07.2018

Нұрсұлтан Назарбаев қоғам қайраткері Олжас Сүлейменовті қабылдады

16.07.2018

Жолдағы жемқорлықты болдырмау жолындағы шара

16.07.2018

Мемлекет басшысы Ұлттық банк төрағасы Данияр Ақышевті қабылдады

16.07.2018

Оқушылар Курчатов қаласындағы қасиетті жерлерді аралады

16.07.2018

ИДМ Техникалық реттеу және метрология комитетінің төрағасы тағайындалды

16.07.2018

Хантәңірі шыңына медиа экспедиция аттанды

16.07.2018

Оралда «Қазақстанның үздік тауары» республикалық байқауының өңірлік іріктеу көрмесі өтті

16.07.2018

Қостанай диқандары «Алқап күнін» өткізді

16.07.2018

Өскеменде «Ізгі жүрек» сыйлығы тапсырылды

16.07.2018

Павлодарда әнші Майраға ескерткіш орнатылды

16.07.2018

Актердің алып ескерткіші бой көтерді

16.07.2018

Асықтан өрілген арғымақ

16.07.2018

GGG белбеулері экспозицияға қойылды

16.07.2018

Айрықша аквасаябақ

16.07.2018

Жаһан жаңалықтары. Роналдудың жейдесі минут сайын сатылып жатыр

16.07.2018

Елдің атын шығарған Ержан балуан

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

Жолдыбай БАЗАР, «Егемен Қазақстан»

«Қарты бар ел – қазыналы ел»

Осыдан 4 жыл бұрын Еңбек және халықты әлеуметтік қорғау министрлігі елімізде 2030 жылға қарай егде жастағы адамдардың үлесі (2014 жылы – 6,9 пайыз) 11,2 пайызға жетеді деп болжам жасаған болатын. Алайда, бүгінгі жағдай жоғарыдағы көрсетілген жорамалды теріске шығарғандай. Өйткені Қазақстанда қазірдің өзінде жасы 60-тан асқан тұрғындар саны 12 пайызға көбейіп, өмір сүрудің орташа ұзақтығы 72 жасты көрсетіп отыр.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу