Әлем • 15 Қараша, 2017

Тереза Мэй: Ресей сайлауға кедергі жасап, Батыстың берекесін бұзғысы келді

61 реткөрсетілді

Ұлыбритания премьер-министрі Тереза Мэй Ресей билігін Британ үкіметіне килігіп, сайлауға кедергі жасағысы келді деп айыптады, деп жазады BBC.

Лондон қаласы мэрінің банкетінде сөз алған премьер-министр Тереза Мэй Владимир Путиннің үкіметі «еркін қоғамның» шырқын бұзуға тырысып жатқанын айтты. Британ үкіметі басшысының айтуынша, Мәскеу жалған ақпарат таратып, Батыста алауыздық туғызғысы келеді. Дегенмен, премьер-министр Лондонның Ресеймен теке тіреске түскісі келмейтінін, бірақ Ұлыбритания өз мүддесін қорғайтынын сөз етті.  

«Ресей біздің «ойынның» ережесін білгенде ғана Батыстың сенімді серігі бола алады» деген премьер-министр Ресей Еуропадағы бірнеше елдің әуе кеңістігіне бұзып кіріп, мақсатты түрде бөлшектегісі келгенін алға тартты. «Бұған, олардың сайлауға араласуын және Дания Қорғаныс министрлігі мен Бундестагқа жасаған хакерлік шабуылын жатқызуға болады», - дейді Мэй.

Тереза Мэй Ұлыбритания Еуроодақтан кетіп, НАТО-ға толықтай бет бұратынын айтты. «Либералдық құндылықтарымызды нығайтатын» «брексит» туралы келісім жасасуға тырысамыз», - деді Мэй.

Сондай-ақ ол БҰҰ Қауіпсіздік кеңесінің тұрақты мүшесі ретінде Ресей халықаралық тұрақтылықты дамытуда маңызды рөл атқаратынын да атап өтті. Ресейдің басқа жолды таңдайтынына үміт артқан Мэй: «Біз екі ел мүддесін және әлемдік тәртіпті қорғау үшін бірге әрекет етеміз», - деді.

Тереза Мэйдің айтқандары Дональд Трамптың сөздеріне қарсы пікір ретінде қабылданды. Өткен аптада АҚШ президенті Ресей билігінің Америкадағы президенттік сайлауға араласпайтынын, ол жағынан Владимир Путинге сенетіндігін жеткізген еді.

 

 

Баннер
Соңғы жаңалықтар

«Дүние»-бақтың жемісі

Руханият • Бүгін, 10:33

Сипаты бөлек «сыпайылық»

Руханият • Бүгін, 10:07

«Құныскерей» – құнды еңбек

Руханият • Бүгін, 09:53

Қазақ тарихының қасіреті

Руханият • Бүгін, 09:44

Ертегілік ес әлемінің өкілі

Руханият • Бүгін, 09:37

Қаламгер мен Қаһарман

Руханият • Бүгін, 09:31

Заманымыздың Білге Қағаны

Руханият • Бүгін, 09:22

Ұқсас жаңалықтар