Алпауыт елдердегі ахуал қандай?

Қазіргі таңда алпауыт елдерде болып жатқан ахуал қандай? Бұл туралы шетелдегі БАҚ не дейді?  

Егемен Қазақстан
16.11.2017 2006

Brexit Британияның бас ауруына айналды

Ұлыбританияның Еуропа одағынан шығуының жыры әлі бітер емес. Қарт құрлықтағы белді ұйымның құрамынан шығу процесінің түйткілді мәселелері ағылшындарға оңай тиіп тұрған жоқ. Күн тәртібінде тұрған бұл жол­­ғы мәселе – Британия мен Еу­ро­одақ арасындағы сауда-сат­тық және тауар айналымы жө­нін­дегі заң жобасы. 

Биылғы жазда Ұлыбри­та­нияның Еуропа одағынан шы­ғу жөніндегі министрі Дэвид Дэвис жоғарыда аталған құ­жат­ты парламенттің назарына ұсы­нған болатын. Заң жобасы 1972 жылы қабылданған Еуропа қо­ғамдастығы актісінің күшін жойып, Еуроодақтың бүкіл за­ңын Ұлыбритания жарғылық құжат­та­ры қатарына енгізіп, қажетсіз заң­дарды өзгертуге немесе күшін жоюға министрлерге құқық бе­реді. Бірінші оқылымда заң жо­ба­сындағы кемшіліктер айтылып, өзгертулер мен түзетулер енгізу үшін кері қайтарылған болатын. Содан бері елдегі ха­лық қалаулылары бірнеше мәр­те құжатты талқылап үлге­р­ді. BBC арнасы «Брексит» бас­тал­ған­ға дейін парламент нақты бір шешімге келуі керек деп есеп­тейді. 

«Брексит министрі Дэвид Дэвис шығу процесі барысында ақша, азаматтар құқығы және бас­қа бірқатар мәселелер пар­ламенттің жаңа актісі арқылы заң­ға айналуы керектігін айтқан болатын. Лейбористік партия мұн­­дай «бас тартуды» қолдап отыр, алайда парламенттің басқа мү­шелері заң жобасы қайта тал­қы­ланбаса, қарсылық танытуы мүмкін», деп мәлімдейді BBC. 

The Guardian басылымының ақпаратына сүйенсек, Ұлы­бри­тания ел парламентінің қандай шешімге келгеніне қарамастан, 2019 жылы Еуроодақ құрамынан то­лық шығады. 

«Брекситті қолдаушылардың бірі Оуэн Патерсон сенімділік мақ­­сатында Д.Дэвистен «Пар­ла­­мент ұсынылған заң жобасын қа­былдамаса, Ұлыбритания 2019 жылғы 29 наурызда Еу­ро­па одағ­ы­нан шыға ма?» деп сұ­рады. Брексит министрі «Иә» деп жауап берді. Сондай-ақ Дэ­вис депутаттар заң жоба­сын өз­гер­ту арқылы Брексит про­­цесін ба­яулатуға, не одан бас тар­туға мүм­кіндігі жоқ екенін жет­кізді», – деп хабарлады The Guardian га­зеті. 

Трамптың Азиядағы табысы

CNN агенттігі жазғандай, АҚШ президенті Дональд Трамп­­­тың Азияға сапары аме­ри­­­к­алықтардың назарынан тыс қал­­­ған. Ақ үй басшысының жұ­мы­­сы өз еліне қарағанда, Азияда кең талқыланған. 

«Егер Трамптың Жапонияға, Оң­түстік Кореяға, Қытайға, Вьетнамға және Филиппин аралдарына сапарын аталған мемлекеттер және олардың басшыларымен қарым-қатынасты нығайту мақсатында қарастырсақ, оның табысқа толы болғаны анық. Президенттің Азияда өткізген уа­қыты шетелде оның оң имиджін қалыптастырды», деп есептейді CNN. 

BBC арнасы Азиядағы сапары барысында Трамптың ұран­датқан мәлімдемелеріне қа­ра­мас­тан, оның сөздерін аме­ри­ка­лықтардың есте сақтап қалуы не­ғайбыл екенін жазады. 

«Ол аймақты Солтүстік Корея­­ның баллистикалық ра­ке­­таға және ядролық қару бағ­дар­ламасына қатысты әрекетіне лай­ық жауап беруге үгіттеді. Ол өзі­нен бұрынғы басшыларды айып­тай отырып, сауда-саттық мә­селелері мен америкалық жұ­мыс жөнінде талқылады. Ол Үндістанның АҚШ үшін аймақтағы стратегиялық маңы­зын білдіру мақсатында «Үнді-Ты­нық мұхиты» терминін бір­не­ше қайтара айтты. Әйтсе де АҚШ-тағы жаңалықтар ағымы оның бұл әрекетіне қарамастан, өз арнасымен кетті», дейді BBC. 

BBC-дің хабарлауынша, Д.Трамп сапарының ал­ғаш­қы аптасына Техастағы атыс кө­леңке түсірген. Ал Вирд­жи­ния штатындағы рес­пуб­ли­кашылардың жеңілісі оның са­пары жөніндегі апта орта­сын­дағы ақпараттардан басым шық­ты. 

Қытай – супер-компьютер жасау шебері 

Қытайдағы компьютер жасай­тын компаниялар өз өнім­де­рінің мықтылығын тағы да дә­лелдеді. Жапонияда жасал­ған су­перкомпьютерлер де биыл аме­рикалық өнімдерге қарағанда, үз­дік шыққан. 

«Екі жыл сайын жүргізілетін әлемнің ең үздік 500 суперком­пь­ютерін анықтайтын рей­тинг­те Қытайдың Sunway TaihuLight ком­пьютері төртінші мәрте №1 жүйе атанып, деңгейі 93,01 пе­таф­лопқа жетті», деп жазады Xinhua агенттігі. 

Флоп – жылжымалы нүктелі сан­дарды қосу операцияларының бір секундтағы санымен анық­та­латын компьютер өнімділігінің өл­шем бірлігі. Яғни, Sunway TaihuLight компаниясының қуаты 93,01 квадриллион флопқа жетіп отыр. 

Xinhua агенттігінің ақ­па­ра­тына сай, тағы бір қытай­лық өнім Tianhe-2 әлем­нің теңдессіз екінші суперкомпьютері атанған. Үздік үштікті Швейцарияда жа­салған Piz Daint компьютері қо­рытындылап тұр. Жапониялық Gyoukou компьютері төртінші сатыға жайғасса, америкалық Titan компьютері өнімділігі тұрғысынан бесінші орынды мі­се тұтты. Дегенмен АҚШ ақ­параттық жүйе жасау тұр­ғы­сынан ешкімге дес беретін емес. Америкалық HP компаниясы су­перкомпьютерге жүйе орнату жөнінде бірінші орында тұр. 

АҚШ Ресейге есе жіберді

«РИА Новости» ресейлік астық өндірушілер әлемдік на­рық­та америкалық фер­мерлердің ор­нын алмастырып жатқанын мә­лімдеді. Ресейлік агенттіктің бұ­лай көсілуіне The Wall Street Journal-ға шыққан «Ресейлік би­дай фермерлерінің қайта жандануы АҚШ-тың тынысын тарылтты» атты мақала себеп болып отыр. 

Кейінгі уақытта әлемдегі астық нарығы бірқатар өзгеріс­тер­ге ұшырады. Мәселен Вашингтон билігі «Астық қау­ым­дастығының» Египеттегі өкіл­дігін  жауып тынған. Бұл – ұйым үшін үлкен соққы. Өйт­кені Мысыр бидайды ең көп им­порттайтын мемлекеттер қа­та­рында. 

«Кейінгі жылдары ресей­лік­тердің ауыл шаруа­шы­лы­ғында табысты болуы дәс­түр­ге айналды. Алайда болып жат­­­қан үдерістердің барысын түсініп, оған ой жүгірту үшін сыртқы және пейілі тар бақы­лау­шылардың бағасын оқып көрген абзал. Жалпы, The Wall Street Journal-да шыққан ма­қала айтарлықтай деректерге сүйе­не отырып жазылған рия­сыз сараптама», дейді «РИА Новости».

Мәселен агенттік амери­ка­лық журналда айтылған мы­­на бір ақпаратты негізсіз деп есептейді. The Wall Street Journal-дың пайымдауынша, Ре­сей­­дегі рекордтық мөлшердегі ас­­тық түсімі әлемдік нарықтағы ба­ға­ның 4 есе құлдырауына әкеліп соқ­қан. The Wall Street Journal кейінгі бес жылда солтүстіктегі көршіміздің астық түсімі 70 пайызға ұлғайып, АҚШ-та оның көлемі 4 есеге азай­­ғанын ха­барлаған. «РИА Но­вос­ти» аме­ри­калық басылым­да жа­рия­ланған осы ақ­па­ратты да сын садағына түйреп үлгеріпті.

«WSJ шыққан сараптама се­кіл­ді мақалалар Батысты шар­пы­ған иррационалдық есі­ру­ді, яғни әлемнің кез келген нүк­те­сінде болған оқиғадан «орыс қол­таңбасын» іздеуді тү­­сінуге мүм­кіндік береді. Бұл – тыл­сым­ның рухы анық бай­қа­ла­тын феноменмен кездескен­де пай­да болатын, түсінуге тұрарлық және адами реакция», деп жа­зады «РИА Новости». 

Агенттік Ресейдегі астық тү­сімінің молшылығын елдің ауыл шаруашылығына ден қоюынан бөлек, табиғат-ананың Ресей тарапына жылы қабақ таныт­қа­нымен түсіндіреді. 
 

Абай АСАНКЕЛДІҰЛЫ,
«Егемен Қазақстан»

СОҢҒЫ ЖАҢАЛЫҚТАР

20.07.2018

МҰЗ ҮСТІНДЕГІ ШОҚ ЖҰЛДЫЗ...(ДЕНИС ТЕНГЕ АРНАЛАДЫ)

20.07.2018

Қоғамдық даму вице-министрі тағайындалды

20.07.2018

Үкімет басшысы Бәсекеге қабілеттілік жөніндегі сараптама кеңесінің отырысын өткізді

20.07.2018

Шымбұлақта ІІІ Халықаралық тау және спорт фестивалі басталды

20.07.2018

Әлемдегі ең ауқатты командалар қайсы?

20.07.2018

Мектеп түлектері ауылдастарына ойын алаңын сыйға тартты

20.07.2018

Токио Олимпиадасының бағдарламасы бекітілді

20.07.2018

Астанада «Ұлы Дала рухы» фестивалі аясында іріктеу сындары жалғасады

20.07.2018

Елбасы Денис Теннің қазасын қатты күйзеліспен қабылдаған

20.07.2018

Семейде  «Күміс сиқыры» атты  көрме ашылды

20.07.2018

Бердібек Сапарбаев мәжіліс депутаттарымен кездесті

20.07.2018

Астанада қазақ күресінен Азия чемпионаты өтеді

20.07.2018

Елбасы Денис Теннің өліміне байланысты қылмысты бақылауда ұстауды тапсырды

20.07.2018

Шымкентте «Оңтүстік» арнайы экономикалық аймағын дамыту мәселелері талқыланды

20.07.2018

Денис Теннің өліміне қатысты екінші күдікті іздестіріліп жатыр

20.07.2018

Гомерден қалған мұра

20.07.2018

Көкшетауда көшпелі көрменің тұсаукесері өтті

20.07.2018

«Астана» – келесі кезеңде

20.07.2018

Астанада ертеңнен бастап жолақы 180 теңге болады

20.07.2018

Суға түскенде сақтық керек

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу