Ынтымақтастықты дамыту жайы талқыланды

Мемлекет басшысы Нұрсұлтан Назарбаев жұмыс сапарымен Біріккен Араб Әмірліктеріне келді, деп хабарлады Қазақстан Республикасы Президентінің баспасөз қызметі. Қазақстан Президенті Премьер-министрдің орынбасары – БАӘ-нің Президент істері бойынша министрі шейх Мансұр бен Заид Әл Нахаянмен кездесті. Кездесу барысында екі ел арасындағы саяси, сауда-экономикалық және ин­вес­ти­ция­лық салалардағы ынтымақтас­тық­ты одан әрі дамыту және нығайту мә­селелері талқыланды. Атап айтқанда, алдағы уа­қыт­та Абу-Даби қаласында Қазақстан-Әмірліктер үкіметаралық ко­миссиясының 5-отырысын өткізу мәсе­лесі, сондай-ақ Қа­зақстанның Таяу Шығыс және Оңтүстік-Шығыс Азия елдерімен инвестициялық ынтымақтас­ты­ғын дамытуға арналып, биылғы жылдың қазан айында Абу-Даби қаласында өткен бизнес-форумның қоры­тындысы тал­қы­ланды. Мемлекет басшысы форум аясындағы қазақстандық және араб компаниялары арасында қол жеткізілген уағдаластықтар нақты жоба ретінде іске асырылатынына сенім білдірді.