Қайрат Әбдірахманов Қазақстанның БҰҰ Қауіпсіздік Кеңесіне төрағалығының басымдықтарын атады

СІМ басшысы Президент Нұрсұлтан Назарбаевтың ядро­лық қарудан азат әлемді құру, әлем­дік және дәстүрлі діндер ли­дерлерінің съездерін шақыру се­кіл­ді бастамаларына жан-жақты тоқ­талып өтті. Сонымен қатар ол Қазақстанның БҰҰ Қауіпсіздік Кеңе­сінің мүшесі ретінде Орталық Азия­дағы қауіпсіздік, Африкадағы бей­бітшілік пен тұрақтылық, халық­ара­лық терроризмге қарсы тұру, Сириядағы дағдарысты, Ауған­стан­дағы жағдайды реттеу мәсе­ле­леріне және БҰҰ реформала­ры­на ерекше назар аударатынын атап өтті.

Қ.Әбдірахманов британдық парламент депутаттарымен, Боб Стюарт төрағалық ететін Қазақ­станмен ынтымақтастық жөнін­дегі бүкілпартиялық тобы­ның мүшелерімен кездесті. Ми­ни­стр британдық парламент мү­ше­лерін Президент Н.Назар­ба­ев­тың «Болашаққа бағдар: рухани жаң­ғыру» атты мақаласымен таныстырды, «100 нақты қадам» Ұлт жоспары мен жекешелендіру бағдарламасын іске асыру туралы, сондай-ақ «Астана» халықаралық қаржы орталығын құру және дамыту жобасы туралы айтты.

Қазақстандық сыртқы саяси ведомство басшысының Лондонға са­парының басты мақ­саты алдағы уа­қытта екіжақты сау­да-эко­но­ми­калық және инвес­ти­ция­лық ынтымақтастықты дамыту бол­ды. Еуропа қайта құру және да­му банкінің президенті Сума Чак­ра­бартимен кездесу барысында ағымдағы және перспективалық бірлескен жобалар талқыланды. ЕҚҚДБ басшысының айтуынша, Қазақстан банктің үлгілі серіктесі болып табылады. Соңғы жылдары мемлекет және жеке сектор­мен бірлескен жобалардың са­ны айтарлықтай өсті және Қазақ­стан­ның аймақтағы және әлемдегі рөлі артты. ЕҚҚДБ мемлекет-жеке­меншік серіктестік жобала­рын және «Бір белдеу – бір жол» бастамасын іске асыруда, сондай-ақ сыртқы нарықтарда ел маркетингін дамытуда Қазақстан­мен ынтымақтастықты нығайтуға ниетті.

Сыртқы істер министрінің беделді кәсіпкерлер – Британ-Қазақ қоғамы мүшелерімен кез­десуі­нің күн тәртібінде іскерлік ын­ты­мақтастық мәселелеріне ерек­ше назар аударылды. Қазақ­станның мұнай жобалары­нан басқа салаларына инвести­ция салуға қызығушылық таныт­қан «Independent Power Corporation» және «United Green» компаниял­а­р­ының басшыларымен жеке кез­десулер барысында Қазақстан эко­н­омикасына инвестициялау жә­не жаңа өндіріс орындарын ашу мәселелері талқыланды. Са­пар соңында Қ.Әбдірахманов Ұлы­британияда «Болашақ» бағ­дар­ламасы бойынша білім алатын қазақстандық студенттер қауымдастығымен кездесті.

Дайындаған

Жолдыбай БАЗАР,
«Егемен Қазақстан»