![Перцух «Астанамен» келісімшартқа қол қойды](/article_photo/1511524353_article_b.jpeg)
Юрий Алматының ЦСКА-сының тәрбиеленушісі. Ол 17 жасында кәсіби футболда дебютті кездесуін өткізген. Перцух өзінің тәлім алған клубынан бөлек, Бірінші Лигада елордалық «Бәйтерек» және петропавлдың «Қызыл Жар СК» сапында өнер көрсеткен.
2017 маусымда 21 жасар жартылай қорғаушы оралдың «Ақжайық» командасында Қазақстан Премьер-Лигасында өнер көрсетті. Осы маусымда Перцух клуб сапында Премьер-лига мен Қазақстан Кубогында 26 матч өткізіп, 2 гол соғып, 3 нәтижелі пас берген. Бұл көрсеткіш бойынша командадағы ең үздіктердің бірі болды.
Юрий 17 жасқа дейінгі Қазақстан жасөспірімдер құрамасының сапында өнер көрсетіп, осы маусымнан бастап жастар құрамасына шақырту алды. Ол жасөспірімдер құрамында 9 ойын өткізіп, оның бесеуін Еуропа чемпионатының іріктеу кезеңінде өткізген.