Елбасы: Қазақстан мен Беларусь Республикасының стратегиялық қарым-қатынасы өте жоғары

Бүгін Қазақстан Президенті Нұрсұлтан Назарбаев Беларусь Республикасындағы ресми сапары аясында Минскіде Александр Лукашенкомен кездесті. 

Егемен Қазақстан
29.11.2017 6195
2

Кездесу барысында Нұрсұлтан Назарбаев Беларусь Республикасы Президентіне ресми сапармен шақырғанына алғысын білдірді. «Бұл кездесуіміз екі мемлекеттің арасындағы дипломатиялық қарым-қатынастың орнағанына 25 жыл толған айтулы датамен тұспа-тұс келіпті. Осы жылдар аралығында Қазақстан мен Беларусь Республикасы мықты экономикалық және саяси базасы бар қарым-қатынас орнатқанын айта кету керек», дей келе Елбасы Нұрсұлтан Назарбаев Александр Лукашенконың еңбегін жоғары бағалады. «Мемлекетіңіз үшін сіздің атқарған еңбегіңіз зор. Беларусь елінің ауыл шаруашылығы өнімдері мен машина құрастыру саласындағы жетістіктері әлемге кеңінен танылып үлгерді», деді Президент. Нұрсұлтан Назарбаевтың айтуынша, Қазақстанда 260 беларусь кәсіпорыны жұмыс істейді.

«Қазақстан беларусь жерінен ауыл шаруашылығы және жиһаз өнімдерін импорттайды. Осы кездесу барысында Қазақстанға БелАЗ өнімдерін тасымалдау туралы келісім шарт жасалмақ. Кездесу нәтижесінде жаңа техника жеткізу, тасымал сапасын арттыру да дами түседі деп ойлаймын», деді Елбасы.

Нұрсұлтан Назарбаев Қазақстан мен Беларусь Республикасы арасындағы достық қарым-қатынасты жоғары бағалады. «Екі мемлекет арасындағы стратегиялық қарым-қатынас өте жоғары деңгейге жетті. Мемлекеттеріміздің арасында достық қарым-қатынас пен ынтымақтастық орнаған», дей келе Президент Беларусь Республикасына өткен жолы келгенде мемлекеттің батысында болғанын есіне алды.

«Бүгін инновациялық жетістіктеріңізді арнайы көрме барысында таныстырады екенсіздер. Қазақстан да барынша инновациялық дамуға ерекше көңіл бөліп келеді. Яғни, бізде ортақ тақырып көп. Әрине, екі мемлекет арасындағы тауар айналымының деңгейі төмендеп кеткен кездер болды. Бірақ биылғы жылда бұл көрсеткіш бірден 60 пайызға артты», деді Нұрсұлтан Назарбаев. Президенттің айтуынша, мемлекеттер арасында кедендік кедергілердің болмауы сауда айналымын бұл деңгейден де арттыра түсуге септігін тигізе алады.

Нұрсұлтан Назарбаев Қазақстанның мультимодельді көлік дәлізіне айналғанын атап өтті. «Бүгінде Қазақстан арқылы Беларусь Республикасы мен Еуропа елдеріне жыл сайын 136 мың тауар контейнері өтеді. Бұл біздің мемлекетіміздегі көлік саласына көп пайда әкеліп отыр. Сондықтан бұл саланың болашағы зор деп ойлаймын», деді Президент.

Беларусь Республикасының президенті Александр Лукашенко Нұрсұлтан Назарбаевтың беларусь халқына деген жылы лебізін білдіріп жүретінін айтып, өз елінің де қазақстандықтарға деген ықыласы ерекше екенін айтты. «Беларусь Республикасының Қазақстанға деген сыйластығы ерекше. Біз Қазақстанның күннен-күнге дамып жатқанына куәміз», деген Александр Лукашенко беларусь халқының көбі Қазақстанда болып көргенін жеткізді.

«Астана – өте керемет қала. Менің ойымша, сіздің қазіргі жұмысыңыз ғасырларға қаланатын, ұрпаққа қалатын ескерткіш. Беларусь мемлекеті Қазақстаннан көп нәрсе үйреніп жатыр. Астананың кейбір құрылыс элементтерін елімізге көшіріп жатқанымызды да айта кеткім келеді», деді Александр Лукашенко.

Еске сала кетсек, Елбасы Нұрсұлтан Назарбаев бұған дейін Беларусь еліне 2012 жылдың мамыр айында ресми сапармен барған еді. Ал Александр Лукашенко Қазақстанға ресми сапармен 2013 жылы келді. Нұрсұлтан Назарбаев Беларусь Республикасының Президенті Александр Лукашенкомен осы жылдың 8 маусымында Шанхай ынтымақтастық ұйымына мүше мемлекеттер басшыларының кеңесі аясында кездесіп, екіжақты серіктестіктің маңызды мәселелерін талқылаған болатын.

Гүлнұр Қуанышбекқызы,

«Егемен Қазақстан»

Минск

СОҢҒЫ ЖАҢАЛЫҚТАР

17.01.2019

Асықтан төсеніш пен ойыншықтар жасайды

17.01.2019

Оралда «Автобус» жедел шарасы өтуде

17.01.2019

27 ақпан күні «Нұр Отан» партиясының кезекті XVIII съезі өтеді

17.01.2019

Жаңа әліпби негізіндегі қазақ тілі емлесінің ережелері

17.01.2019

Тікұшақ апатынан қайтыс болған ұшқыштың кім екені анықталды

17.01.2019

СІМ мен Ауылшаруашылық министрлігі инвестициялар мен экспорт бағытындағы үйлестіру жұмыстарын нығайтуда

17.01.2019

Жүзге жуық оқушы Wiki Camp акциясына қатысты

17.01.2019

Қорықшыларға қастандық жасағандар анықталды (видео)

17.01.2019

Үшінші мегаполистің төрт ауданында әкімдер тұрғындар алдында есеп берді

17.01.2019

4 мешітті ҚМДБ меншігіне өткізуде кедергілер бар

17.01.2019

Ақтөбелік жастар тұрғын үймен қамтамасыз етіледі

17.01.2019

Нұрлан Сейтімов Сыртқы істер министрлігінің Жауапты хатшысы болып тағайындалды

17.01.2019

Қостанайда тергеуші кісі тонаушыны қылмысы үстінде ұстады

17.01.2019

Алматыда Денис Теннің өліміне қатысты сот үкімі шықты

17.01.2019

Алматыда тікұшақ апатқа ұшырады

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен пәтер сатып алды

17.01.2019

Жамбылда экономиканың барлық саласында 4-5 пайыз өсім бар

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу