«Астананың» Тәуелсіздікке тартуы

Елорданың командасы Еуропа лигасаның плей-офф кезеңіне шықты.

Егемен Қазақстан
11.12.2017 1783

Ойын басталмас бұрын «Сла­­вия­ның» құрамына қарап ұзақ отырдым. Былай қара­саңыз, фут­болшыларының құрамы кәдім­гідей тісқақ­қан­дардан құрал­ған. Ян Лаштув­ка «Шахтер» (Донецк) коман­да­сы­ның негізгі қақпашысы бол­ған. Мигель Данни да «Зенит» сапында жарқылдап, Супер­кубоктың финалында «Ман­честер Юнайтед» қақпасына гол соққан. Сондықтан пор­ту­га­лиялықты таныстырып жату­дың өзі бекер. 2012 жылы «ең әдемі голды» кім соққанын біле­тін шығарсыздар? Сол шақта «Фенербахченің» ойыншысы болған Мирослав Стох қазір «Славияның» сапында.   

Осыдан екі жыл бұрын Қазақ­стан ұлттық құрамасымен бірге Пль­зендегі Чехия-Қазақстан ойынына барған едім. Ол матч та қазір көз алдымда. 75-минутқа дейін жеңіп тұрдық. Алаңға алмасып кіріп, 2 гол салып, салымызды суға кетірген Милан Шкода «Славияның» бір атары. 2004 жылы Қазақстан құрамасы УЕФА жалауының астында алғашқы ойынын Украинаға қарсы өткізді емес пе? Иә, дәл сол тарихи матчта біз соңғы секундта гол жіберіп, тең нәтижеден айы­рылып қалдық. Голды Руслан Ротань соқты. Томаш Нецидтің шеберлігіне де шек келтірмейміз. Ал Халил Алтынтоп 2010 жылы Сидельниковтің қа­қпасына ғаламат гол соққан Хамит Алтын­топтың сыңары ғой. 

Жалпы, қарап отырсақ, барлығы тәжірибиелі, өздерінің спорттық ғұмырларында жоғары нәтижелерге қол жеткізген аяқ­допшылар. 

1-тайм. Кездесу басталысымен қос команда бірден шабуыл жасауға асықпады. Екеуі де емін-еркін пас алмасып, өздерінің кішігірім дайындаған қитұрқы комбинацияларын іске асырып көргісі келді. Алайда сондай бір ғаламат шабуылдарды көре алмадық. Ойынның 25-минутына қарай біздің қақпамыздың алдында бұрыштамалар көбейіп, қауіпті сәттер пайда бола бастады. «Славия» қақпашысы Ян Лаштувка тоңғаннан болар, дене қыздырып, әрлі-берлі жүгіріп жүрді.

Ал 38-минуттан бас­тап ша­буылға шыға бастаған елор­далықтар стандартты жағдай орын­дауға мүмкіндік алды. Айып алаңына көтерілген пас бай­қаусызда Марин Аничичтің алдына келе қалды. Қорғаушымыз бос қақпаға гол соқты. Алайда қапталдағы төреші офсайд жағ­дайы болғандығын көрсетті. Дегенмен, бас төреші Аничичке доптың Томаш Нецидке тиіп келгенін анық көріпті. Ақылдаса келе, салынған голдың әділ болғанын білдіртті. Таблодағы көрсеткіш – 0:1. 

2-тайм. Екінші тайм бас­талысымен «Славия» шабуылға шықты. Ал қазақстандықтар қорғанысқа баса көңіл бөліп, арагідік қарымта шабуылдарға иек артып отырды. 78-минутқа дейін қақпашымыз Ненад Эрич уақыт созғандықтан, сары қа­ғаз алды. Одан әрі қаптаған бұ­рыштамалар дегбірімізді қа­шыр­ды. Қорғаушыларымыз шабуылдарды бірінің артынан бірін қайтарып жатты. 

Ортада жүрген Серікжан Мұ­жықовтың орнына Станимир Стойлов қорғаушы Сергей Малыйды шығарды. Бойы ұзын орталық қорғаушы командаға ауадай қажет еді. Алаң жиегінде Стойловтың көмекшісі Григорий Бабаян 80-минуттан бастап байыз тауып отыра алмады. Аяқтан тік тұрып, шәкірттеріне ақыл-кеңес айтумен болды. Жүйкені тоздырған соңғы 10 минут ғасырдан да ұзаққа созылғандай көрінді. 

Төрешінің соңғы ысқырығы қазақстандық клубты плей-офф сатысына алып шықты. Қазақстан футболының тарихына енетін бұл ойынды трибунада толқып отырып көрген менде де арман жоқ, қазақ футболының жанкүйерлерінде де арман жоқ. Алға, «Астана», алға Қазақстан! 

Ермұхамед МӘУЛЕН,
«Егемен Қазақстан» 

СОҢҒЫ ЖАҢАЛЫҚТАР

19.01.2018

Қ.Тоқаев Елбасының БҰҰ Қауіпсіздік Кеңесіндегі сөзі туралы пікір білдірді

19.01.2018

ОҚО тұрғындары салымдарының басым бөлігін ұлттық валютада сақтауда

19.01.2018

Ақтөбедегі автобус апатынан қаза болғандардың толық тізімі жарияланды

19.01.2018

Нұрлан Ноғаев: Шақырылған дәрігерлерге қолайлы жағдай жасауымыз керек

19.01.2018

Маңғыстаулық ұстаздар баспаналы болды

19.01.2018

Алматыда бастауыш сынып оқушылары арасында футболдан чемпионат өтті

19.01.2018

Маңызды мүмкіндіктер

19.01.2018

Шаттық Батан шығармалары шашқан шуақ

19.01.2018

Атаның ақылы

19.01.2018

Айгүл Үсен. Балдырған рухани сүйенішке мұқтаж

19.01.2018

Жүсіпбек Қорғасбек. Балалар әдебиетінің кейіпкері мен идеясы

19.01.2018

Бекен Ыбырайым. Виртуалды кеңістік тұтқыны немесе ұрпақты өз діліне қалай қайтарамыз?

19.01.2018

Өмірсүйгіштікке тәрбиелеп жүрміз бе?

19.01.2018

Сөз еркіндігі және балама пікірге төзімділік

19.01.2018

Электронды пішімдегі квота диқанның көңілін көншіте алды ма?

19.01.2018

Еуразияның болашақ «қаржы қақпасы»

19.01.2018

Ғажайып жаңалықтар

19.01.2018

«Тәуелсіздік дәуірі»: түйін және болашаққа көзқарас

19.01.2018

Қауіпсіздік Кеңесі төрағасының мәлімдемесі

19.01.2018

Елбасы Goldman Sachs басшысымен кездесті

ТАҒЫ ЖҮКТЕУ
КОЛУМНИСТЕР

Дархан ӨМІРБЕК, «Егемен Қазақстан»

Сөз еркіндігі және балама пікірге төзімділік

АҚШ-та білім алып жүргенімізде екі апта бойы сөз бостандығы абсолют­тік болуы тиіс пе деген тақырыпты тал­қыладық. 

Сұңғат ӘЛІПБАЙ, «Егемен Қазақстан»

Ғажайып жаңалықтар

Заманауи экономиканың дамуы адамзатқа орасан зор жаңа мүмкіндіктер ұсынатындығын, соған сай экономиканың кейбір дәстүрлі салаларының түбегейлі өзгеріске түсетінін қазірдің өзінде байқауға болады. Тек бір ғана ауыл шаруашылығын алып қарайықшы.

Қорғанбек АМАНЖОЛ, «Егемен Қазақстан»

Қайдасың, менің ертегім?!

Алпысыншы жылдардың басында мектеп табалдырығын аттаған біздің толқынның бала қиялын баураған ғажап – қазақтың ертегілері мен батырлар жыры еді-ау. Сол кезде сол бір ғажайыптар әлемінен санамызға сің­ген сансыз суреттер бұл күнде сағындырып, сабырымызды сарқып ішкендей болады. Сондағы небір керемет сиқырларды көруге көңіл ынтығып, көкірек көзі құмартып, құштарлана ашылғандай күйге енеті­німіз бар.

Дархан ҚЫДЫРӘЛІ, «Егемен Қазақстан»

Тажалды тізгіндеудегі байыпты бітімгерлік

Вашингтондағы кездесулер жоғары деңгейде өтті. Әлемнің белді, белгілі ақпарат құралдары да ол туралы жарыса жазуда. Маңызды кездесулердің өзекті тұсы – Қазақстанның ядролық қаруды таратпау жөніндегі табанды ұстанымы мен байыпты қызметін жоғары бағалау болды. Бұл іс жүзінде Елбасы Нұрсұлтан Назарбаевтың жаһандық бейбітшілікті сақтау мақсатындағы жеке бастамалары мен осы бағыттағы қажырлы қызметіне, әлем­дік деңгейдегі қайраткерлік болмысы­на берілген баға деп пайымдаймыз. 

Бақытгүл САЛЫХОВА, педагогика ғылымдарының кандидаты

Тілді кез келген жаста үйренуге болады

Әлемде қанша тіл болса, адам сол тілдерді үйренуге ұмтыла береді жә­не бұл қызығушылық ешқашан тоқ­тамайды. Әрине кейде бір тіл басқаларына қарағанда маңызды, танымал, оңай, әдемі болып көрі­нуі мүмкін. Дегенмен адамның қы­зығушылығы мен сүйіспеншілігі ой­ға келмеген тілдерді де үйренуге жетелейді.

Тағы да оқу

Пікірлер(0)

Пікір қосу