Рейд барысында облыс өңіріндегі қылқан жапырақты ормандарды, орман шаруашылықтарын аралау, жолдардағы өткен әр автокөлікті, ағаш тиелген көліктерді тіркеу жұмыстары жүргізілуде. Рейд барысында Әулиекөл поселкесінің жанынан екі түп қарағайдың кесілгені белгілі болды, оның ісі сотқа жіберілді.
Ағашты заңсыз кескендер ұсталса 200 айлық көрсеткішке дейін айыппұл төлейді немесе 60 тәулікке қамалады. Егер кесілген ағаш орман қорына жататын болса, онда айыппұл 300 айлық көрсеткішке көбейіп, қамақ 75 күнге созылады.
Мұнымен қоса Қостанай қаласы мен басқа да елді мекендерде сатылып жатқан шаршалар мұқият тексерілуде. Қазір облыста 41 орында шырша сатылады. Олар негізінен Ресейден, оның Челябі, Қорған облыстарынан және Башқұртстан республикасынан тасылады. Рейд 31 күні, жаңа жылды қарсы алғанға дейін тоқтамайды.
Нәзира Жәрімбет
«Егемен қазақстан»
Қостанай
