Жылдың үздіктері

Өтіп бара жатқан 2017 жыл өзінің тарихи оқиғаларымен, ұмытылмас сәттерімен есте қалады. Әсіресе қазақ спортшылары үшін. Биыл ел спортында елеулі жеңістер, толайым табыстар аз болған жоқ. Әр спортшы бабы мен бағы келгенше бәсекеге түсіп, қадери-халінше ел қоржынына медаль салуға тырысып бақты. Әр маусым, әр кезең және әр жыл аяқталғанда жылдың үздіктерін анықтап жатамыз ғой. Осыған орай «Егемен Қазақстан» газеті де спортшыларымыздың Тауық жылында жеткен жетістіктерін саралап, үздіктерді анықтады. 

 
Егемен Қазақстан
29.12.2017 3244

Футбол

2017 жылдың үздік коман­далық ұжымы – елор­даның «Астана» футбол клубы. Өйткені «Астана» қазақ фут­болының 104 жыл­дық тарихына өзгеріс жасап, тұңғыш рет УЕФА Еуропа лигасының плей-офф кезе­ңіне шықты. Биылға дейін қазақ фут­болы­ның жанкүйерлері «Астананың» Чем­пион­дар лигасы мен Еуропа лигасының топтық кезеңіне шыққанын мақтаныш ететін. Ендігі мақтаныш деңгейі өз­герді. Дұрысы, «Астана» дең­гейін бір саты жоғарылатты. 

Бұған дейінгі «Астананың» Еурокубок додаларында тапқан табысын есепке алмағанда, елорда ұжымы 2017/2018 жылғы мау­сымда қазірге дейін 8 миллион 180 мың еуро көлемінде табыс тапты. Бұл көрсеткіш плей-офф кезеңінен кейін тағы да өсетіні анық. Бұған клубтың жарнама мен телекөрсетілім бойынша табатын табысын қосып қойыңыз.

Сондай-ақ «Астана» футбол клубы Еурокубок ойындарындағы нәтижесінде рекорд жаңартты. Елорда ұжымы УЕФА-ның клубтар рейтингінде үш маусым ішінде 400 орынға жоғарылаған. Дәл қазіргі уақытта «Астана» аталған рейтингте 67-орында тұр. 

Садақ ату

Жылдың үздік құрамасына – мамыр айында Қытайда садақ атудан өткен Әлем кубогының бірінші кезеңінде алтын медаль жеңіп алған садақшылар құрамасы лайық. Себебі атқан жебелері желмен жарысып, нысананың ондығына дәл тиген Денис Ганкин, Ойрат Сайдиев және Санжар Мұсаев үштігі финалда Рио Олимпиадасының чемпиондары, садақ атудан әлемдік держава саналатын Оңтүстік Корея құрамасын 5:4 есебімен жеңді. Бұл – Қазақстанның садақ атудан әлем кубогы тарихында алған тұңғыш медалі. 

Теннис

Жылдың үз­дік спортшысы – Зарина Диас. 24 жастағы теннисші биыл қазақ теннисшілері арасында WTA тұжырымына ене­тін Japan Open турнирінің тұңғыш рет жеңімпазы атанды. Ол 2015 жылы WTA рейтингінде үздік 50 теннисшінің қатарына еніп, 2016 жылғы Олимпия ойындарына баратын сәті туып тұр еді. Алайда спортшы жарақат деген екінші «қарсыласқа» «есе жіберіп», Олимпиадаға барар жылы рейтингте құлдырап, ақыр соңы 148-орынға бір-ақ сырғы­ды. Мамандар бұл жарақат­тан соң Заринаның екі жыл бұрынғы биігіне көтерілетініне сенімсіздікпен қараған еді. Деген­мен Диас ерік-жігер танытып, биыл әр жарысында мейі­лінше ұпай жинап, рейтингте саты-саты бойынша көтеріле бастады. Оның биылғы жеңіске деген ынтасы, талабы мен таланты теннистен халықаралық әйелдер рейтингінде 66-орынға дейін көтерді. 

Биатлон

Таяуда ғана Швецияның Эстерсунд қаласында өткен биатлоннан Әлем кубогының алғашқы кезеңінде аралас эстафетадан Қазақстанның тұңғыш қола медалін жеңіп алған Галина Вишневская мен Максим Браун дуэті жылдың үздік спорттық жұбына әбден лайық. Өйткені биатлоншыларымыз жоғарыда айтып өткен садақшылар секілді тарихта тұңғыш рет жүлдеге қол жеткізді. 

Кәсіпқой бокс

Биыл еліміздің былғары қолғап шеберлері де халықара­лық жарыстарда толайым табысқа жетіп, ел мерейін асқақтатты. Кәсіпқой боксшыларымыз да Қазақстанның имиджіне оң әсер ететін бірқатар жекпе-жектер өткізді. Соның бірі және бірегейі – Геннадий Головкин. Кәсіпқой бокстың орта салмағында бокс­тасатын отандасымыз Тауық жылында мексикалық «сары бала» – Сауль Альвареспен жұдырықтасып, төрешілердің шешімі бойынша тең түсті. Дегенмен кәсіпқой бокстың жілігін шағып, майын ішкен бокс сарапшылары мен мамандары бұл айқаста Головкиннің бәсі биік болғанын айтады. Сондай-ақ мамандар Геннадий Головкин мен Сауль Альварестің кездесуін жыл жекпе-жегіне санады. 

Грек-рим күресі

2017 жылдан бастап грек-рим күресі балуандарын баптаған Нұрым Дүйсенов аз уақыттың ішінде ауыз толтырып айтатын толайым жетістіктерге жетіп, жыл бапкеріне лайық екендігін дәлелдеді. Тамыз айында Францияның Париж қаласын­да өткен әлем чемпионатында Демеу Жадыраев пен Мейрамбек Айнағұлов күміс жүлде алып, алты жыл бұрынғы жетістікті қайталады. Сондай-ақ Ашғабадта өткен жабық ғимараттағы және жауынгерлік өнер бойынша V Азия ойындарында Данияр Қаленов (66 кг) барлық қарсыластарынан басым түсіп, чемпион атанды. Әрине бұл жетістікке бас жаттықтырушы Нұрым Дүйсеновтің еңбегі орасан екені белгілі.

Шахмат

Жақында Әл-Аинде (БАӘ) Азия шахмат федера­циясының (АШФ) ұйымдастыруымен Азиялық шахмат саммиті өтті. Ең ірі форумға ФИДЕ делегаттары, АШФ басшылары, Азия және Мұхит елдері президенттері мен шахмат федерация­сы өкілдері жиналған болатын. Саммитке Қазақстан шахмат федерациясының (КШФ) вице-президенті Берік Балғабаев қатысты.

Іс-шараның қорытынды күнінде «4th Annual Asian Chess Excellence Awards» Азиялық сыйлықақысының лауреаттарын марапаттау рәсімі өтті. Атап өтетін жайт, қазақстандық гроссмейстер Динара Сәдуақасова «Ең үздік ойыншы қыз-2017» болып жарияланды.

Сонымен қатар сол күні Азия шахмат федерациясы қазақстандық шахмат федера­ция­сын арнайы сертификатпен марапаттады. 

2017 жылы қазақстандық әйелдер құра­масы тарихта бірінші рет Азия шахмат ойындарында (Ашғабад қ. Түрікменстан) 1-орынға ие болды. 23 жасқа дейін жылдам шахмат бойынша командалық чемпионат финалында гроссмейстер Динара Сәдуақасова мен Жансая Әбдімәлік өкілеттілігімен біздің құрама Қытай құрамасын басып озды. Динара, сонымен қатар, Ашғабадта классикадан «қола» жеңіп, Ташкент (Өзбекстан) қаласында өткен Орталық Азия аймақтық чемпионатында үздік болып танылды. 

Халықаралық гроссмейстер Динара Сәдуақасова (2460) – қыздар арасында төрт мәрте әлем чемпионы, бірнеше дүркін Қазақстан чемпионы. Динара «Шахматтағы бірінші қадам» кітабының авторы. Биыл «ЮНИСЕФ Қазақстан» ұлттық еркін елшісі болып тағайындалды. 

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

16.08.2018

Астанада «Ұлттың ұлы мұрасын қадірлейік» атты іс-шара өтті

16.08.2018

Астана хабы Корея Республикасымен ынтымақтастықты нығайтуда

16.08.2018

Қаралы көктем.1953 жыл, наурыз

16.08.2018

Жакартада еліміздің мемлекеттік туы ресми түрде көтерілді

16.08.2018

Алматыда Батырхан Шүкеновтың атына көше берілді

16.08.2018

Кәсіпкерлер «Менің мектебім» жобасы­н қар­жыландырады

16.08.2018

Қуат Тумабаев Өскемен әкімі қызметінен кетті

16.08.2018

«Туған жерге тағзым» жобасы аясында 126 іс-шара атқарылды

16.08.2018

Зарема ШӘУКЕНОВА: Каспий теңізі айрықша мәртебеге ие болды

16.08.2018

БҰҰ Бас хатшысы Каспий теңізінің құ­­қық­тық мәртебесі туралы кон­вен­цияға қол қойылуын құптайды

16.08.2018

Зүлфия АМАНЖОЛОВА: Каспий конвенциясы – тұрақтылық пен орнықты даму кепілі

16.08.2018

«100 жаңа есім» жобасы тамыздан бастап өзінің екінші кезеңін бастайды

16.08.2018

Бизнес үшін GSP-ның артықшылықтары көп

16.08.2018

Астанада cпорт күніне арналған жиын өтті

16.08.2018

Astra: жол ақысын төлеудің жаңа электронды жүйесі, тарифтері және жеңілдіктер

16.08.2018

Ақ желеңділерге «алғыс» алуға болмайды

16.08.2018

Маңғыстаудың мақсаты – мұнайсыз даму жолымен көркейе түсу

16.08.2018

Қызылордада кәсіпкерлер көбейіп келеді

16.08.2018

Генуядағы көпірдің құлауына кінәлілер анықталды

16.08.2018

Сұраған Рахметұлы. Тыныштықбектің «Алқоңыры»

ТАҒЫ ЖҮКТЕУ
КОЛУМНИСТЕР

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу