Қысқы спорт • 30 Желтоқсан, 2017

Солтүстік Қазақстанда жасөспірімдердің қысқы ауыл ойындары аяқталды

443 рет
көрсетілді
1 мин
оқу үшін

Жасөспірімдердің II республикалық қысқы ауыл ойындары бірнеше күнге созылып, 100-ге жуық ұл-қыз спорттың  4 түрі бойынша күш сынасты.

Солтүстік Қазақстанда жасөспірімдердің қысқы ауыл ойындары аяқталды

Президенттік көпсайыс қорытындысында  алаң иелері  топ жарып,  жеңімпаз атанды.

«Президенттік көпсайыста солтүстік қазақстандақтықтар  бірінші, қостанайлықтар екінші орын иеленді. Қола медальді ақтөбеліктер еншіледі», дейді  жарыстың бас төрешісі Валерий Самохвалов.

Бұдан бөлек, спорттық бағдарлау, конькимен жүгіру және шайбалы хоккей сайыстарында да солтүстікқазақстандық жастар жеңістің ең биік  тұғырынан көрінді.

Жасөспірімдердің II республикалық қысқы ауыл ойындарында жалпы құрамалық есепте солтүстікқазақстандықтар бірінші,  қостанайлықтар екінші,  жетісулықтар құрамасы үшінші орынды  еншіледі.

Сайыс жеңімпаздары мен  жүлдегерлеріне кубок, медаль және дипломдар табыс етілді.

Өмір  Есқали,

«Егемен  Қазақстан».

Солтүстік  Қазақстан облысы