Қазақстан • 01 Қаңтар, 2018

Қазақстан халқы Ассамблеясы жаңа жылмен құттықтады

821 рет
көрсетілді
1 мин
оқу үшін
Қазақстан халқы Ассамблеясы жаңа жылмен құттықтады

Құрметті отандастар!

Қазақстан халқы Ассамблея­сы сіздерді Жаңа 2018 жылмен құттықтайды!

Өткен жыл еліміздің шежі­ре­сіндегі маңызды белес, жетістіктер мен тарихи реформалар жылы болды.

Ұлттық бірлік пен келісімнің арқасында болашақ энергиясына арналған халықаралық мамандандырылған ЭКСПО-2017 көрмесі мен  Универсиада сәтті әрі жоғары деңгейде өткізілді.

Әлемнің бәсекеге ең қабілетті отыз елінің ішінде Қазақстанның лайықты орын алуын қамтамасыз етуге бағытталған конституциялық  реформа, Қазақстанды үшінші жаңғырту және «Рухани жаңғыру» бағдарламалары іске асырылуда. 

2017 жыл елге жаңа есімдерді танытқан жыл болды.  Димаш Құдайберген, Динара Сәдуақасова, Денис Тен, Данэлия Төлешованың ерекше таланттары жерлестерімізді халықаралық деңгейде танымал етті, ал «Қазақстанның 100 жаңа есімі» жобасының іске асырылуы өскелең ұрпақ үшін Тәуелсіздік жыл­дар­ындағы ерен еңбектің арқасында қол жеткі­зілген бірегей табыстар мысалын ашып көрсетті.

Қымбатты бауырлар!

2018 жыл идеялар мен жетістіктерге толы жыл болсын, экономикалық және әлеуметтік өсуіміздің, әрқайсымыздың үйлесімді дамуымыздың жаңа перс­пективалары тағы да ашыла берсін. 

Сіздердің осы жылға арналған жоспарларыңыз жүзеге асып, әрбір бастамаңызға сәттілік серік болсын. 

Сіздерге зор денсаулық пен мол игілік тілеп, барша үміттеріңіздің ақталуына тілек қосамыз. От­ба­сындағы шуақ пен жақындарымыздың сүйіс­пен­шілігі мен қамқорлығы баршаның жанын жылытсын. 

Жаңа жылдарыңызбен!

Қазақстан халқы Ассамблеясының Кеңесі