«Хат қоржын»

Егемен Қазақстан
04.01.2018 3627
2

Батыл да байыпты жазыла бастады

Мен сексеннің ортасына аяқ басқан еңбек ардагерімін. Ұстаздық білім берген институттан кейінгі саяси ой-өрісімді, білім-білігімді арттырған, пайым-парасатымды толықтырған күнделікті басылымдар менің жан азығым, ғұмырлық университетім болды. Сол ғұмырымда алдымен «оразамды» «Егемен Қазақстанның» беттерін па­рақтаумен ашамын. Бұл әдеттен айныған күнім болған емес. Өйт­песем қоңылтақсып, қымбатымды жоғалтқандай «ашқұрсақ» жү­ремін. Өйткені кең-байтақ республикамыздағы күнделікті саяси, эко­номикалық көрсеткіштер, кадрлық және шетелдегі жаңалықтар алдымен осы газетте байыпты баяндалады. Басылым танымдық тал­дамаларды, ұлттық болмысымыздың күнгейі мен көлеңкелі жақ­тарын ғылыми тұрғыда батыл да байыпты жаза бастады. Ұлттық ерекшеліктеріміз, ұлағатты қайраткерлеріміздің жасампаз іс-әрекеттері кеңінен баяндалатын болып жүр. 

Қысқасы, «Егеменнің» әр саны еріксіз сағынтатын құтты қонақ­қа, өзіне тәу еттіретін «сиқыршыға» айналып барады. Бұл рухани жаң­ғыру қозғалысы кезіндегі ұжымның насихатшылар көшін бас­тау­­ға ден қойған игі қадамы. Оқырманының жан азығына айналған ға­сыр­лық тарихы бар бас басылымға осы жылға жазылу науқаны жал­ғасып жатыр. Бұл орайда мен тұратын кенттегі 20-дан астам арда­гер аса белсенділік танытып отыр. Өздері түгел жазылып, өзгелерді де, жастарды да үгіттеп жүр. 

Орайы келгенде айтарым, шетелдік оқиғалар туралы материалдар жиі жазылып тұрса екен. Сосын ел өміріне, дәстүрімізге, эконо­ми­к­а­мыз­ға жат қылықтар дәйекті де батыл жазылса екен. «Сөз сойылды» асы­ға, сағына күтеміз. Оның ішінде нақты фактіге құрылған дүние болса оқырман қызыға түсер еді.

Сұлтанқазы ҮСЕНОВ,
еңбек ардагері
Қызылорда


Төлемақы қабылдаудағы шикілік...

Таяуда бір танысымызбен жолығып қалдық. Пайдаланған электр энергиясына төлем жасап келе жатқан беті көрінеді. Жүзінен ашудың табын байқап, сабырға шақырып, істің мән-жайын білмек болып, әңгімеге тарттық.

– Ай сайын тиісті мекемеге барып, пайдаланған электр энергиясына төлем жасап тұрамын. Бүгін барғанымда қызметші қыз пайдаланған элек­тр энергиясына қосымша тағы да 70 теңге төлеуім керек екенін ес­кертті. «Не үшін?» десем, «көрсеткен қызмет үшін» дейді. Сонда қалай, ол бізге көрсеткен қызметі үшін ай сайын тұрақты еңбекақы алып отырған жоқ па? 

Меніңше, бәрін «осылай екен» деп нарыққа жаба беруді қоюымыз керек. Айталық, біз тұрып, өмір сүріп жатқан аудан бойынша 60 мыңнан астам халықтың күнделікті электр энергиясын тұрақты пайдаланатыны белгілі жайт. Осындағы 10 мыңның үстіндегі тұрғын үйде 11 мыңнан көп отбасы жоғарыда біз айтқан электр энергиясын тұтынады екен. Сонда әр тұтынушыдан 70 теңгеден алғанның өзінде, ай сайын қанша қаржының мекеме кассасына түсетінін өзіңіз есептей беріңіз.

Біреудің қалтасындағы қаржыны санаудан аулақпыз. Алайда, бес саусақтың бірдей еместігі секілді, тұтынушылардың бәрі бірдей төлем төлеуге қабілетті емес екендігін де ескеруіміз керек емес пе?

Менікі дұрыс екен деп, өзім білемдікке салынып, заңды, заңсыз бүйректен сирақ шығара беру де жөн емес-ау...
Бір мезгіл халықтың жағдайына қарағанға не жетсін!

Кәрібай ӘМЗЕҰЛЫ,
зейнеткер
Оңтүстік Қазақстан облысы,
Созақ ауданы


Жастай берген тәрбие абзал

Қазіргідей озық технологиялар, жаһандану үрдісі тамырын терең­ге жайып, бәріміз ұлттық құндылықтардан қол үзіңкіреген тұста ердің құнын бір ауыз сөзбен шешкен халқымыздың шешендік, ұлағатты сөз­дерінің қадір-қасиетін жан-тәніңмен ұққандай боласың. Осыған қа­рап-ақ баланың ұядан қанат қағып ұшып, азамат санатына жеткенге дей­інгі тәлім-тәрбиесіне аса ықтиятты, жауапты болғанын аңғарамыз. Ерте­ден қара кешке дейін компьютерден түспейтін жастардың бойынан инабаттылық, сыпайылық, мейірімділік қасиеттердің жетіспейтінін көріп, осылар неге қатыгезденіп барады деген суық ойдың сумаңдап қоя беретіні бар. 

Мектеп жасына жеткен баланы ата-анасы ұстаздар қауымына сеніп тапсырады. Ұстаз үшін нағыз сын басталады. Осы үдеден көріну оңай емес. Аянбай еңбек ету, тер төгу аз. Ата-анамен үнемі тығыз қарым-қа­ты­нас жасай отырып, сапалы білім берумен қатар рухани жағынан жан-жақты кемелденуіне де ерекше мән берген дұрыс. Қазіргі таңда ұс­таз­дар оқушыны дербес тұлға ретінде қалыптастыру, сыни ойлау жа­ғына көбірек ойысып кетті де, тәрбиенің кемшіндігі осындайда бай­қалып қалады. 

Кей ұстаздар да білімді алдыңғы орынға шығарып, тәрбие жағын ұмытып қалдырып жатады. Баланың болашағы жарқын, келешегі кемел болсын десек ұлттық тәлім-тәрбиенің тұнып тұрған асылдары мен інжу-маржандарын теріп алып, бойларына сіңіре білейік дегім келеді. Мектепте білім мен тәрбиеге қатар көңіл бөлінсе, ел қорғаны, қалқаны болатын азаматтардың қатары қалыңдай түсері сөзсіз.

Гүлнарай ТАЛАСБАЕВА,
 М.Ахметбеков атындағы 
орта мектептің бастауыш сынып мұғалімі
Солтүстік Қазақстан облысы, 
Шал ақын ауданы


Науқастың жанына шуақ шашқан

Алты баланың анасы Орынша Ермағамбетқызына биылғы қазан айында күрделі ота жасалынып, құдіретті Жаратушының және ота жа­саған дәрігерлердің біліктілігі арқасында аман қалды. Отаның сәт­ті жасалуына және отадан кейінгі жағдайын қалыпқа келтіруге барын салған Батыс Қазақстан облыстық онкологиялық диспансері қыз­меткерлері – онколог Тайман Аманов, хирург Руслан Сәйденов, мейірбикелер Шынар Төлегенова, Мейрамгүл Рахметова, Бақытжамал Мақпозова, Толқын Қошқароваға алғыс білдіреміз. Анамыздың айтуынша, бұл дәрігерлер әр науқасқа айрықша ілтипатпен қарап, науқастың жан дүниесіне шуақ шашқан ерекше жандар екен. Ақ желеңді абзал жандардың отбасына ынтымақ, бақ-береке тілейміз! 

Хадиша СЕЙІЛХАНҚЫЗЫ
Батыс Қазақстан облысы,
Шыңғырлау ауылы


Мектепке ұлағатты ұстаздың есімі берілді

Шайыр ауылындағы орта мектепке Маңғыстау өлкесіне танымал, «Білім беру ісінің үздігі» Тұрар Жалғасбайұлы есімі берілді. Тұрекеңнің ал­дынан сан алуан шәкірттер өтті. Барлығы да білімді және ел тұтқасын ұс­таған ел азаматтары болды. Ұлағатты ұстаз 1950-1987 жылдар аралы­ғын­да осы мектептің директоры болып ерен еңбек етті. Аудандағы білім жүйесін алғашқы құрушылардың бірі болды. Еңбек жолын өз ауылында мұғалімдіктен бастап, Қызан, Шебір, Жармыш бастауыш мектептерінің меңгерушісі, Ауыздыбас орта мектебінің директоры болды. 1964 жылы «Халық ағарту ісінің үздігі» атағын, 1974 жылы «Еңбек ардагері» медалін иеленді. 

Аллаберген ҚОНАРБАЕВ
Маңғыстау облысы,
Маңғыстау ауданы 

СОҢҒЫ ЖАҢАЛЫҚТАР

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу