14 қаңтарда «Спорттық Алматы» бағдарламасы аясында конькимен сырғанауды тегін үйрету сабақтары басталады. Тәжірибелі нұсқаушылар сағат 17:00-ден 20:00-ге дейін «Март» сауда орталығы және Дубок ықшам ауданындағы Центральная көшесі 8г-да орналасқан тегін мұз айдындарына келген коньки тебушілерді тегін үйретуге әзір. Сонымен қатар 15 қаңтардан бастап 1-11-сынып оқушыларын шаңғы тебумен тегін үйрету сабақтары өтеді. Оқыту сабағының уақыты бес күнге созылады, күніне 1 сағат (дүйсенбі-жұма). Керек жабдықтар қосымша тегін беріледі. Әр топта 10 баладан дайындалады.
Өтетін орындары мен басталуы: «PIONEER» (біріңші ауысым 10:00-де және екінші ауысым 16:00-де), «Шымбұлақ» (10:00 және 16:00) және «Звездная поляна» (09:30-дан 17:30-ға дейін).
Айта кету керек тегін сабақтар «Спорттық Алматы» бағдарламасы аясында ұйымдастырылуда, ол - қаладағы бұқаралық спортты дамытуға бағытталған.
